താജുല്‍ ഉലമയുടെ ജ്വലിക്കുന്ന സ്മരണയില്‍ സഅദാബാദ്

ദേളി: താജുല്‍ ഉലമ സയ്യിദ് അബ്ദുല്‍ റഹിമാന്‍ കുഞ്ഞിക്കോയ തങ്ങളുടെ ജ്വലിക്കുന്ന സ്മരണയില്‍ സഅദിയ സമ്മേളനത്തിന് തുടക്കം.

ദേളി ജാമിഅ സഅഅദിയ്യ അറബിയയുടെ നാല്പത്തിനാലാം വാര്‍ഷിക സനദ്ദാന സമ്മേളനത്തിന്റെ ഉദ്ഘാടന ദിവസമായ വെളളിയാഴ്ച സഅദാബാദില്‍ മുഴങ്ങി കേട്ടത്ത് ആത്മീയ നേതാവിന്റെ മദ്ഹുകളായിരുന്നു.

രാവിലെ എട്ടികുളത്ത് താജുല്‍ ഉലമയുടെ മഖാം സിയാറത്തോടെയാണ് സമ്മേളനത്തിന് ഔപചാരിക തുടക്കം കുറിച്ചത്. സ്ഥാപിതമായത് മുതല്‍ നാല് പതിറ്റാണ്ടിലേറെ കാലം സഅദിയ്യുടെ പ്രസിഡന്റായി സേവനം ചെയ്ത താജുല്‍ ഉലമ സയ്യിദ് അബ്ദുറഹ്മാന്‍ അല്‍ ബുഖാരിയുടെ വിയോഗത്തിന്റെ സ്മരണകള്‍ അയവിറക്കി താജുല്‍ ഉലമാ നഗറിലാണ് സമ്മേളനം നടക്കുന്നത്. 

സിയാറത്തിന് സയ്യിദ് ഫസല്‍ കോയമ്മ തങ്ങള്‍ കുറാ നേതൃത്വം നല്‍കി. സയ്യിദ് ഇമ്പിച്ചിക്കോയ തങ്ങള്‍ കൊയിലാണ്ടി, സയ്യിദ് ഇസ്മാഈല്‍ ഹാദി തങ്ങള്‍, സയ്യിദ് ഹാമിദ് കോയമ്മ തങ്ങള്‍ നടുവണ്ണൂര്‍, സയ്യിദ് അബ്ദുല്‍ റഹ്മാന്‍ മശ്ഹൂദ് തങ്ങള്‍ എട്ടിക്കുളം, സി പി കുഞ്ഞബ്ദുല്ല മുസ്ലിയാര്‍ പഴയ കടപ്പുറം, സി അബ്ദുല്ല മുസ്ലിയാര്‍ ഉപ്പള, കണച്ചൂര്‍ മോണു ഹാജി , ടി സി മുഹമ്മദ് കുഞ്ഞി ഹാജി, യൂസുഫ് ഹാജി പെരുമ്പ, ഉമര്‍ ഹാജി മട്ടന്നൂര്‍, ബേക്കല്‍ അഹ്ദമ് മുസ്ലിയാര്‍, സ്വാലിപ്ഹ സഅദി, അബ്ദുല്‍ ലത്വീഫ് സഅദി കൊട്ടില, സുലൈമാന്‍ മാസ്റ്റര്‍, പള്ളങ്കോട് അബ്ദുല്‍ ഖാദിര്‍ മദനി, അബ്ദുല്‍ റസാഖ് സഅദി, അബ്ദുല്‍ റസാഖ് ഹാജി മേല്‍പറമ്പ, അശ്‌റഫ് മന്ന, സുബൈര്‍ എയ്യള, നൗഷാദ് അഴിത്തല, അബ്ദുല്‍ റഹ്മാന്‍ ഹാജി മേല്‍പറമ്പ,നാസിര്‍ ബന്താട്, എം ടി പി ഇസ്മാഈല്‍, തുടങ്ങിയ പ്രമുഖര്‍ ചടങ്ങിന് എത്തിചേര്‍ന്നു. തുടര്‍ന്ന് സഅദിയ്യ മസ്ജിദില്‍ ഉള്ളാള്‍ തങ്ങളുടെ പേരില്‍ നടന്ന ഖത്മുല്‍ ഖുര്‍ആന്‍ സംഗമത്തിന് സമസ്ത കേന്ദ്ര മുശാവറാംഗം എം. ആലിക്കുഞ്ഞി മുസ്‌ലിയാര്‍ ഷിറിയ നേതൃത്വം നല്‍കി. 

തളങ്കര മാലിക് ദീനാര്‍, കീഴൂര്‍ സഈദ് മുസ്ലിയാര്‍ എന്നിവിടങ്ങളിലെ സിയാറത്തിനു ശേഷം താജുല്‍ ഉലമാ നഗറില്‍ സഅദിയ്യ സ്ഥാപകനായ കല്ലട്ര അബ്ദുല്‍ ഖാദിര്‍ ഹാജിയുടെ ഖബര്‍ സിയാറത്ത് നടന്നു. സയ്യിദ് കുഞ്ഞിക്കോയ തങ്ങള്‍ മുട്ടം നേതൃത്വം നല്‍കി.

സ്വാഗതസംഘം ചെയര്‍മാന്‍ സയ്യിദ് മുഹമ്മദ് ഉമറുല്‍ ഫാറൂഖ് അല്‍ബുഖാരി തങ്ങള്‍ പതാക ഉയര്‍ത്തി. താജുല്‍ ഉലമ അനുസ്മരണ സമ്മേളനം സയ്യിദ് ഹാമിദ് കോയമ്മ തങ്ങള്‍ മാട്ടൂലിന്റെ പ്രാര്‍ത്ഥനയോടെ സയ്യിദ് കെ എസ് ആറ്റക്കോയ തങ്ങള്‍ കുമ്പോലിന്റെ അധ്യക്ഷതയില്‍ യു.എ.ഇ ഔഖാഫ് പ്രതിനിധി അലി അബ്ദുല്ല അല്‍ റൈസ് ഉദ്ഘാടനം ചെയ്തു. കെ. പി ഹുസൈന്‍ സഅദി അനുസ്മരണ പ്രഭാഷണം നടത്തി.

കോഴിക്കോട് യൂണിവേഴ്‌സിറ്റി രജിസ്ട്രാര്‍ ഡോ. അബ്ദുല്‍ മജീദ്, മൗലാനാ മുഫ്തി മുഹമ്മദലി ഖാസി ബാംഗ്ലൂര്‍, മുഹമ്മദ് കുഞ്ഞി സഖാഫി കൊല്ലം, സയ്യിദ് ഇമ്പിച്ചിക്കോയ തങ്ങള്‍ കൊയിലാണ്ടി, സയ്യിദ് അതാഉല്ലാഹ് തങ്ങള്‍ ഉദ്യാവരം, സയ്യിദ് അഹമ്മദ് മുഖ്താര്‍ തങ്ങള്‍ കുമ്പോല്‍, സയ്യിദ് ബാക്കിര്‍ തങ്ങള്‍, സയ്യിദ് ജലാലുദ്ധീന്‍ തങ്ങള്‍ ഉജിറ, അഹ്മദ് ബാവ മുസ്‌ലിയാര്‍ ഉള്ളാള്‍, ഹാജി യു.എസ്. ഹംസ ഉള്ളാള്‍, എം.സി ഖമറുദ്ധീന്‍ തുങ്ങിയവര്‍ പ്രസംഗിച്ചു.

വിവിധ പ്രസിദ്ദീകരണങ്ങളുടെപ്രകാശനം എം.എല്‍എ മാരായ എന്‍.എ നെല്ലിക്കുന്ന് , മുഹ്‌യിദ്ദീന്‍ ബാവ, എന്നിവര്‍ നിര്‍വഹിച്ചു. ക്യാപ്റ്റന്‍ ശരീഫ് കല്ലട്ര, ടി.സി.മുഹമ്മദ് കുഞ്ഞി ഹാജി, എന്‍.എ.അബൂബക്കര്‍ ഹാജി, പി.ബി. അഹമ്മദ് ഹാജി, മുക്രി ഇബാഹീം ഹാജി, ടി.ഇ.അബ്ദുല്ല തുടങ്ങിയവര്‍ ആദ്യ പ്രതി ഏറ്റ് വാങ്ങി.

പാദൂര്‍ കുഞ്ഞാമു ഹാജി, എന്‍.എം അബ്ദുല്‍റഹിമാന്‍ മുസ്‌ല്യാര്‍, ഹാജി അബ്ദുല്ല ഹുസൈന്‍ കടവത്ത്, വി.എം കോയ മാസ്റ്റര്‍, മുല്ലച്ചേരി അബ്ദുല്‍ റഹിമാന്‍ ഹാജി, സുല്‍ത്താന്‍ കുഞ്ഞാഹമ്മദ് ഹാജി തുടങ്ങിയവര്‍ സംബന്ധിച്ചു. കൊല്ലമ്പാടി അബ്ദുല്‍ഖാദിര്‍ സഅദി സ്വാഗതം പറഞ്ഞു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News