ശിഹാബ് തങ്ങളുടെ സ്മരണയില്‍ കാരുണ്യത്തിന്റെ തണലൊരുക്കി വിദ്യാര്‍ത്ഥികള്‍

രാമപുരം:'ശിഹാബ് തങ്ങളുടെ സ്മരണയില്‍ നിര്‍ധന കുടുംബത്തിന് വിദ്യാര്‍ത്ഥികളുടെ സ്‌നേഹസമ്മാനം. രാമപുരം ജെംസ് കോളജ് യൂണിയന്റെ നേതൃത്വത്തിലാണ് വിദ്യാര്‍ത്ഥി കൂട്ടായ്മയില്‍ കടുങ്ങപുരം പള്ളികുളമ്പ് സ്വദേശി നെച്ചിത്തടത്തില്‍ സുഹ്‌റക്കും കുടുംബത്തിനും ശിഹാബ് തങ്ങള്‍ കാരുണ്യ ഭവനം നിര്‍മിച്ചുനല്‍കിയത്.

കോളജിലെ മുഴുവന്‍ വിദ്യാര്‍ത്ഥികളുടെയും സഹകരണത്തോടെയാണ് യൂണിയന്‍ ഈ നിര്‍ധന കുടുംബത്തിന് കാരുണ്യത്തിന്റെ തണലൊരുക്കിയത്. കോളജിലെ വിദ്യാര്‍ത്ഥികളില്‍ നിന്ന് മാത്രം ശേഖരിച്ച പണം കൊണ്ടാണ് വീട് നിര്‍മിച്ചു നല്‍കിയത്. കോളജിലെ എല്ലാ വിദ്യാര്‍ത്ഥി സംഘടനകളും പദ്ധതിയുമായി സഹകരിച്ചു. 13 ഡിപ്പാര്‍ട്ടുമെന്റുകളില്‍ നിന്നായി 1100 വിദ്യാര്‍ത്ഥികള്‍ കോളജിലുണ്ട്. 643 ചതുരശ്ര അടിയിലാണ് വീട് നിര്‍മിച്ചത്.

കഴിഞ്ഞ വര്‍ഷം നവംബര്‍ 25നായിരുന്നു വീടിന്റെ ശിലാസ്ഥാനപനം. നെച്ചിത്തടത്തില്‍ സുഹ്‌റ പുഴക്കാട്ടിരി ഗ്രാമ പഞ്ചായത്ത് വിദ്യാഭ്യാസ സ്റ്റാന്റിങ് കമ്മിറ്റി ചെയര്‍പേഴ്‌സണാണ്. വീടില്ലാത്ത ജനപ്രതിനിധിക്ക് വീടൊരുക്കിയാണ് ജെംസ് കോളജിലെ വിദ്യാര്‍ത്ഥികള്‍ മാതൃകയായത്.

താക്കോല്‍ദാനം വ്യവസായ - ഐ.ടി. വകുപ്പ് മന്ത്രി പി.കെ. കുഞ്ഞാലിക്കുട്ടി നിര്‍വഹിച്ചു. സഹജീവി സ്‌നേഹവും സാമൂഹിക പ്രതിബദ്ധതയും വിദ്യാര്‍ത്ഥികള്‍ക്കുണ്ടായിരിക്കേണ്ട അനിവാര്യ ഗുണങ്ങളാണെന്നും ഇത് ജീവിതത്തില്‍ കാത്തുസൂക്ഷിക്കണമെന്നും കുഞ്ഞാലിക്കുട്ടി പറഞ്ഞു.

ആറര ലക്ഷം രൂപ ചെലവു വന്ന കാരുണ്യ ഭവനത്തിന്റെ നിര്‍മാണ പ്രവൃത്തികള്‍ അഞ്ച് മാസം കൊണ്ടാണ് പൂര്‍ത്തീകരിച്ചത്. ഇത് വിദ്യാര്‍ത്ഥി കൂട്ടായ്മയുടെയും പിന്തുണയുടെയും വിജയമാണ്.

നഗര വികസന ന്യൂനപക്ഷ ക്ഷേമ വകുപ്പ് മന്ത്രി മഞ്ഞളാംകുഴി അലി അധ്യക്ഷത വഹിച്ചു. ടി.എ. അഹമ്മദ് കബീര്‍ എം.എല്‍.എ മുഖ്യപ്രഭാഷണം നടത്തി.

കോളജ് യൂണിയന്‍ ചെയര്‍മാന്‍ മുഹമ്മദ് അസ്‌ലം പച്ചീരി, കാലിക്കറ്റ് യൂണിവേഴ്‌സിറ്റി സിന്‍ഡിക്കേറ്റ് മെമ്പര്‍ പ്രഫ. കെ.കെ. ആബിദ് ഹുസൈന്‍ തങ്ങള്‍, എം. അബ്ദുല്ല മാസ്റ്റര്‍, പ്രിന്‍സിപ്പല്‍ നവീന്‍ മോഹന്‍, കോളജ് യൂണിയന്‍ സെക്രട്ടറി എന്‍.കെ. റിയാസുദ്ദീന്‍, കെ.പി. സഫറുദ്ദീന്‍, നുസ്‌ല തബസും കെ.കെ, ആതിര ശീതള്‍, ആസിഫ് ഹസന്‍, മുഹമ്മദ് ജാബിര്‍, മുഹമ്മദ് സൈഫുദ്ദീന്‍ പ്രസംഗിച്ചു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News

	GREENWOODS
	PUBLIC SCHOOL & JUNIOR COLLEGE
	A.K. Road, P.O. Bekal, Kasaragod
ADMISSION OPEN FOR LOWER KINDERGARTEN -LKG
(Age Eligibility : 3½ years as on 01-06-2014)
& Limited seats are vacant in classes UKG TO IX (ICSE CURRICULUM)
For more details, contact Admission Counsellor Ph : 9895688729, 0467 3255688, 2265566, 2239566 Email:greenwoodsschool@gmail.com website: www.bekalgreenwoodsschool.com