ഗായിക വൈക്കം വിജയലക്ഷ്മിക്ക് കാഴ്ചയുടെ ലോകത്തെത്താന്‍ വിദഗ്ധചികിത്സയ്ക്ക് സാധ്യത

വൈക്കം: വൈക്കത്തിന്റെ ഗാനകോകിലം കാഴ്ചയുടെ ലോകത്തേക്ക് എത്താമെന്ന പ്രതീക്ഷയ്ക്ക് ചിറകുമുളച്ചു. മികച്ച ഗായികയക്കുള്ള സംസ്ഥാന പുരസ്കാരം നേടിയ വൈക്കം വിജയലക്ഷ്മിയെ കാഴ്ചയുടെ ലോകത്തേക്ക് എത്തിക്കാന്‍ വൈദ്യശാസ്ത്രപരമായ ശ്രമങ്ങള്‍ തുടങ്ങി.

തലച്ചോറിനു തകരാറില്ലാത്തവര്‍ക്കു 95 ശതമാനം കാഴ്ച ഉറപ്പു നല്‍കുന്ന നൂതന ചികിത്സാ സംവിധാനം അമേരിക്കയില്‍ അവസാനഘട്ട പരീക്ഷണത്തിലാണ്. തിരുവനന്തപുരത്തെ പ്രമുഖ നേത്രരോഗ വിദഗ്ധന്‍ ഡോ. ബെഞ്ചമിന്‍ അവസാനഘട്ടത്തിലെത്തി നില്‍ക്കുന്ന ചികിത്സാ പദ്ധതിയെപ്പറ്റി അറിയിച്ചതോടെ വിജയലക്ഷ്മിയും മാതാപിതാക്കളും അഭ്യുദയകാംക്ഷികളും ഏറെ പ്രതീക്ഷയിലാണ്.

ചെവിയുടെ ഭാഗത്തു നിന്നും തലച്ചോറിലേക്ക് ഒരു ഇലക്ട്രോഡ് ബന്ധിപ്പിച്ചാണ് കാഴ്ച വീണ്ടെടുക്കാനാവുക. ഇതിനായി താക്കോല്‍ദ്വാര ശസ്ത്രക്രിയയാണ് നടത്തുന്നത്. അമേരിക്കയില്‍ ഈ ചികിത്സാ രീതി ഉടന്‍ പ്രാവര്‍ത്തികമായാലും ഇന്ത്യയില്‍ നടപ്പാകാന്‍ കുറഞ്ഞതു രണ്ടു വര്‍ഷമെങ്കിലുമെടുക്കും. 20 ലക്ഷം മുതല്‍ 30 ലക്ഷം രൂപ വരെയാണ് ചികിത്സാ ചെലവ്.

അമേരിക്കയില്‍ ഈ ചികിത്സാ സംവിധാനം പ്രാവര്‍ത്തികമായാല്‍ വിജയലക്ഷ്മിയെ അവിടെ എത്തിച്ചായാലും കാഴ്ച വീണ്ടെടുക്കണമെന്നാണ് കുടുംബത്തിന്റെ അഭിലാഷം.എന്നാല്‍ ചികിത്സയ്ക്കു വേണ്ടിവരുന്ന ഭീമമായ തുക വിജയലക്ഷ്മിയുടെ കുടുംബത്തേയും കുഴയ്ക്കുന്നുണ്ട്.

മലയാളത്തിന്റെ പ്രിയ ഗായികയുടെ നിറകണ്‍ചിരിക്കായി കേന്ദ്രസംസ്ഥാന സര്‍ക്കാരുകളും ജനപ്രതിനിധികളും സുമനസുകളും കൈകോര്‍ത്താല്‍ വൈക്കത്തിന്റെ ഗാനകോകിലത്തിന്റെ കാഴ്ച വീണ്ടെടുക്കാനാവുമെന്നാണ് ആസ്വാദകരുടെ പ്രതീക്ഷ.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Singer, Vijaya Lakshmi, Treatment.

	GREENWOODS
	PUBLIC SCHOOL & JUNIOR COLLEGE
	A.K. Road, P.O. Bekal, Kasaragod
ADMISSION OPEN FOR LOWER KINDERGARTEN -LKG
(Age Eligibility : 3½ years as on 01-06-2014)
& Limited seats are vacant in classes UKG TO IX (ICSE CURRICULUM)
For more details, contact Admission Counsellor Ph : 9895688729, 0467 3255688, 2265566, 2239566 Email:greenwoodsschool@gmail.com website: www.bekalgreenwoodsschool.com