കൊററിയില്‍ കണ്ടെത്തിയ കത്തിക്കരിഞ്ഞ ജഡം ഹക്കീമിന്‍േറത് തന്നെയെന്ന് ഡി.എന്‍.എ ഫലം

പയ്യന്നൂര്‍: മുസ്ലിം പള്ളി ജീവനക്കാരനെ കത്തിക്കരിഞ്ഞ നിലയില്‍ കണ്ടെത്തിയ സംഭവത്തില്‍ ഡി എന്‍ എ പരിശോധനാ റിപ്പോര്‍ട്ട് പുറത്തുവന്നു.

കഴിഞ്ഞ ഫെബ്രുവരി 10 ന് കൊറ്റി മുസ്ലിംപള്ളി ജീവനക്കാരന്‍ പയ്യന്നൂര്‍ തെക്കേ മംഗലത്ത് ദാമോദരന്‍ എന്ന ഹക്കീമിനെ(40)യാണ് കൊറ്റി മദ്രസക്ക് സമീപം കത്തിക്കരിഞ്ഞ നിലയില്‍ കണ്ടെത്തിയത്. കത്തിക്കരിഞ്ഞ ജഡം ഹക്കീമിന്റേതല്ലെന്ന് വാദം ഉയര്‍ന്നിരുന്നു. തുടര്‍ന്ന് പോലീസ് ഹക്കീമിന്റെ ശരീര ഭാഗങ്ങളും ഭാര്യ സീനത്തിന്റേയും മകന്‍ ഫാരീസിന്റേയും രക്ത സാമ്പിളുകളും ഡി എന്‍ എ പരിശോധനക്ക് അയക്കുകയായിരുന്നു. ഇതിന്റെ റിപ്പോര്‍ട്ടാണ് പുറത്തുവന്നിരിക്കുന്നത്. കൊല്ലപ്പെട്ടത് ഹക്കീം ത ന്നെയാണെന്നാണ് പരിശോധനാ ഫലം.

ഹക്കീം മുമ്പ് ഹിന്ദു സമുദായക്കാരനായിരുന്നു. പിന്നീട് ഇസ്ലാംമതത്തില്‍ ചേര്‍ന്ന് ഹക്കീം എന്ന പേര് സ്വീകരിക്കുകയായിരുന്നു. പള്ളിയിലെ സാമ്പത്തിക കാര്യങ്ങള്‍ ഹക്കീം കൈകാര്യം ചെയ്തിരുന്നു. തലേന്ന് രാത്രി ചേര്‍ന്ന പള്ളക്കമ്മറ്റി യോഗത്തില്‍ വരവ് ചിലവ് കണക്കുകള്‍ സംബന്ധിച്ച് ചര്‍ച്ചയുണ്ടായിരുന്നു. അവശേഷിച്ച തുക ഹക്കീമാണ് സൂക്ഷിച്ചിരുന്നത്. 

കത്തിക്കരിഞ്ഞ ജഡത്തിന് സമീപം മുളക്‌പൊടി വിതറിയിരുന്നു. പ്രതികളെ തിരിച്ചറിയാതിരിക്കാനാണ് മുളക് പൊടി വിതറിയത്. കൊലക്ക് പിന്നില്‍ സാമ്പത്തികമായും രാഷ്ട്രീയമായും സ്വാധീനിക്കാന്‍ കഴിവുള്ളവരും ഉണ്ടെന്നാണ് നിഗമനം. 

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News

	GREENWOODS
	PUBLIC SCHOOL & JUNIOR COLLEGE
	A.K. Road, P.O. Bekal, Kasaragod
ADMISSION OPEN FOR LOWER KINDERGARTEN -LKG
(Age Eligibility : 3½ years as on 01-06-2014)
& Limited seats are vacant in classes UKG TO IX (ICSE CURRICULUM)
For more details, contact Admission Counsellor Ph : 9895688729, 0467 3255688, 2265566, 2239566 Email:greenwoodsschool@gmail.com website: www.bekalgreenwoodsschool.com