പൂക്കോത്ത് തെരുവിലെ പൊതുകിണറില്‍ സാമൂഹ്യവിരുദ്ധരുടെ കരിഓയില്‍ പ്രയോഗം

തളിപ്പറമ്പ: പൂക്കോത്ത് തെരുവില്‍ ജനങ്ങളുടെ കുടിവെള്ളം മുട്ടിച്ച് പൊതുകിണറിനകത്തും പുറത്തും കരിഓയില്‍ പ്രയോഗം നടത്തി സാമൂഹ്യ വിരുദ്ധരുടെ ക്രൂരത. മാനേങ്കാവിന് സമീപത്ത്
റോഡരികിലായി ,സ്ഥിതി ചെയ്യുന്ന കിണറിലാണ് വ്യാപകമായി കരിഓയില്‍ ഒഴിച്ചത്. തൊട്ടടുത്ത വീടുകളിലും സ്ഥാപനങ്ങളിലുമുള്ള സ്ത്രീകളടക്കമുള്ളവര്‍ ഇവിടെ നിന്നാണ്
കുടിവെള്ളം എടുക്കാറുള്ളത്. 

വേനല്‍ക്കാലത്ത് വരള്‍ച്ച രൂക്ഷമാവുന്നതോടെ പ്രദേശവാസികളുടെ ആശ്രയമായിരുന്നു വറ്റാത്ത ഈ കിണര്‍. കിണറിലെ ആള്‍മറക്ക് ചുറ്റും വര്‍ഷങ്ങളായി കോണ്‍ഗ്രസ്
പ്രവര്‍ത്തകര്‍ ത്രിവര്‍ണ്ണ ചായം പൂശാറുണ്ട്. തിങ്കളാഴ്ച രാത്രി 10 മണിവരെ ഇവിടെ ആള്‍ക്കാരുണ്ടായിരുന്നു. അതിന് ശേഷമാണ് സാമൂഹ്യവിരുദ്ധരുടെ ചെയ്തികളെന്ന് കരുതുന്നു. ചൊവ്വാഴ്ച പുലര്‍ച്ചെയാണ് സംഭവം നാട്ടുകാരുടെ ശ്രദ്ധയില്‍പെട്ടത്. കരി ഓയില്‍ ഒഴിച്ചതിന് പുറമെ കുടിവെള്ളത്തില്‍ മറ്റെന്തോ പൊടിയും മായവും കലര്‍ത്തിയതായും സംശയിക്കുന്നുണ്ട്. 

ത്രിവര്‍ണ്ണ ചായം പൂശിയഭാഗങ്ങളില്‍ പൂര്‍ണ്ണമായും കരിഓയില്‍ അഭിഷേകം നടത്തിയിട്ടുണ്ട്. സംഭവം സംബന്ധിച്ച് വാര്‍ഡ് കൗണ്‍സിലര്‍ കെ. നിഷ പോലീസില്‍ പരാതി നല്‍കി.
കോണ്‍ഗ്രസ് നേതാക്കള്‍ സംഭവസ്ഥലം സന്ദര്‍ശിച്ചു. സി.പി.എമ്മുകാരാണ് കരി ഓയില്‍ ഒഴിച്ചതെന്നാണ് കോച്ചഗ്രസ് നേതാക്കള്‍ ആരോപിക്കുന്നത്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Thaliparamba, Well, Police, Complaint.,

	GREENWOODS
	PUBLIC SCHOOL & JUNIOR COLLEGE
	A.K. Road, P.O. Bekal, Kasaragod
ADMISSION OPEN FOR LOWER KINDERGARTEN -LKG
(Age Eligibility : 3½ years as on 01-06-2014)
& Limited seats are vacant in classes UKG TO IX (ICSE CURRICULUM)
For more details, contact Admission Counsellor Ph : 9895688729, 0467 3255688, 2265566, 2239566 Email:greenwoodsschool@gmail.com website: www.bekalgreenwoodsschool.com