സക്കാത്ത് ആഗോള സാമ്പത്തിക വ്യവസ്ഥിതി- ടി.ആരിഫലി

കാഞ്ഞങ്ങാട്: ഇസ്‌ലാമിലെ സുപ്രധാന ആരാധനാ കര്‍മ്മമായ സക്കാത്ത് സമ്പ്രദായം ഒരു സാമൂഹ്യ പദ്ധതി മാത്രമല്ല ആഗോള സാമ്പത്തിക വ്യവസ്ഥിതി കൂടിയാണെന്ന് ജമാഅത്തെ ഇസ്‌ലാമി കേരള അമീര്‍ ടി.ആരിഫലി. 

സമ്പത്ത് ധനികരില്‍ കേന്ദ്രീകരിക്കുന്നതിന് പകരം ദരിദ്രരിലേക്ക് കൂടി എത്തിക്കുന്നതിന് ഇസ്‌ലാം നിശ്ചയിച്ച സാമ്പത്തിക വ്യവസ്ഥിതിയാണ് സക്കാത്ത് സംഭരണവും വിതരണവുമെന്ന് സക്കാത്ത് സന്ദേശയാത്രയുടെ സംസ്ഥാന പര്യടനം കാഞ്ഞങ്ങാട്ട് ഉദ്ഘാടനം ചെയ്ത് കൊണ്ട് അദ്ദേഹം പറഞ്ഞു.

സക്കാത്ത് കേവലം വ്യക്തിനിഷ്ഠമായ ആരാധന മാത്രമല്ല. സാമൂഹികമായ ഒരു ആരാധനക്രമമാണിത്. ധനികരുടെ ഔദാര്യമല്ല അര്‍ഹരായവരുടെ അവകാശം കൂടിയാണ് സക്കാത്ത്. ഇസ്‌ലാം വ്യക്തികള്‍ക്ക് കല്‍പിച്ച പവിത്രതയ്ക്കും ആത്മാഭിമാനത്തിനും ക്ഷതമേല്‍പ്പിക്കാതെ അര്‍ഹരായ ആളുകള്‍ക്ക് സക്കാത്ത് എത്തിക്കുന്നതോടൊപ്പം പൊതു നന്‍മയ്ക്കും നാടിന്റെ വികസനത്തിനും സക്കാത്ത് സമ്പ്രദായം ഉപയോഗപ്പെടണമെന്ന് ആരിഫലി പറഞ്ഞു.

ബൈത്തു സക്കാത്ത് കേരള ചെയര്‍മാന്‍ എം.കെ.മുഹമ്മദലി അദ്ധ്യക്ഷത വഹിച്ചു. ഖാലിദ് മുസാ നദ്‌വി, ജമാഅത്ത് ഇസ്‌ലാമി മേഖലാ നാസിം വി.പി.ബഷീര്‍, ടി.കെ.മുഹമ്മദലി, ഡോ.അബ്ദുള്‍ ഹാഫിസ് എന്നിവര്‍ പ്രസംഗിച്ചു. ബൈത്തു സക്കാത്ത് കേരള സംസ്ഥാന സെക്രട്ടറി പി.സി.ബഷീര്‍ സ്വാഗതവും സംഘാടക സമിതി ചെയര്‍മാന്‍ ടി.കെ.മുഹമ്മദലി നന്ദിയും പറഞ്ഞു. സന്ദേശയാത്ര മെയ് 10ന് തിരുവനന്തപുരത്ത് സമാപിക്കും.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News

	GREENWOODS
	PUBLIC SCHOOL & JUNIOR COLLEGE
	A.K. Road, P.O. Bekal, Kasaragod
ADMISSION OPEN FOR LOWER KINDERGARTEN -LKG
(Age Eligibility : 3½ years as on 01-06-2014)
& Limited seats are vacant in classes UKG TO IX (ICSE CURRICULUM)
For more details, contact Admission Counsellor Ph : 9895688729, 0467 3255688, 2265566, 2239566 Email:greenwoodsschool@gmail.com website: www.bekalgreenwoodsschool.com