മോദി ചൊവ്വാഴ്ച കാസര്‍കോട്ട് : സുരക്ഷയൊരുക്കാന്‍ ഗുജറാത്ത് പോലീസ്‌

കാസര്‍കോട്: ബി.ജെ.പി.യുടെ പ്രധാനമന്ത്രിസ്ഥാനാര്‍ഥി നരേന്ദ്ര മോദി ചൊവ്വാഴ്ച കാസര്‍കോട്ട് പ്രസംഗിക്കും. രാവിലെ ഒമ്പതിന് കാസര്‍കോട് വിദ്യാനഗര്‍ മുനിസിപ്പല്‍ സ്റ്റേഡിയത്തിലാണ് പരിപാടി. ബി.ജെ.പി. സ്ഥാനാര്‍ഥി കെ.സുരേന്ദ്രന്റെ തിരഞ്ഞെടുപ്പു പ്രചാരണത്തിനാണ് എത്തുന്നത്. സുരക്ഷാപരിശോധന ഞായറാഴ്ച സ്റ്റേഡിയത്തില്‍ നടന്നു. നാഷണല്‍ സെക്യൂരിറ്റി ഗാര്‍ഡ്, ഗുജറാത്ത് പോലീസ്, ഇന്റലിജന്‍സ് ബ്യൂറോ എന്നിവയിലെ ഒമ്പത് ഉദ്യോഗസ്ഥര്‍ സ്ഥിതിഗതികള്‍ വിലയിരുത്തി.

എന്‍.എസ്.ജി. ചീഫ് ഓഫീസര്‍ വിഷ്ണുധര്‍ ശര്‍മ്മ, ഗുജറാത്ത് എ.എസ്.പി. രമേശ് ദാഗ്ര എന്നിവരുടെ 

നേതൃത്വത്തിലാണ് സംഘം എത്തിയത്. ജില്ലാ പോലീസ് മേധാവി തോംസണ്‍ ജോസ്, സബ് കളക്ടര്‍ ജീവന്‍ബാബു എന്നിവരുമായി സംഘം ചര്‍ച്ചനടത്തി.
ഗുജറാത്ത് പോലീസിലെ വിദഗ്ധസംഘത്തിനായിരിക്കും മോദിയുടെ സുരക്ഷയുടെ പ്രധാന ചുമതല. ഞായറാഴ്ച രാവിലെ ഗുജറാത്ത് പോലീസിലെ ബോംബ് സ്‌ക്വാഡ്, െഫാറന്‍സിക് വിദഗ്ധര്‍ അടക്കമുള്ളവര്‍ പരിശോധനയ്ക്കായി എത്തിയിരുന്നു. ഉച്ചയോടെ ഗുജറാത്ത് ഡി.ഐ.ജി. ആര്‍.ജി.സവാനി കാസര്‍കോട്ടെത്തി. ഇരുപതംഗ സംഘവും ഒപ്പമുണ്ട്. നഗരത്തിലെ പ്രധാന സ്ഥലങ്ങളില്‍ സംഘം നിരീക്ഷണംനടത്തി. ഹെലിപ്പാഡ് അടക്കമുള്ളവ പരിശോധിച്ചു.

ചൊവ്വാഴ്ച ഡല്‍ഹിയില്‍നിന്ന് പ്രത്യേക വിമാനംവഴിയാണ് നരേന്ദ്ര മോദി മംഗലാപുരത്തെത്തുക. മംഗലാപുരത്തുനിന്ന് പ്രത്യേകം ചാര്‍ട്ട്‌ചെയ്ത ഹെലിക്കോപ്റ്ററിലാണ് കാസര്‍കോട്ടെത്തുക.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News