മൂന്ന് പതിറ്റാണ്ട് മുമ്പ് കാണാതായ തിരുവാഭരണം ഗുരുവായൂര്‍ ക്ഷേത്രക്കിണറ്റില്‍ കണ്ടെത്തി

ഗുരുവായുര്‍: ഗുരുവായൂര്‍ ക്ഷേത്രത്തില്‍ 29 വര്‍ഷം മുന്‍പ് കാണാതായ തിരുവാഭരണം ക്ഷേത്രക്കിണറില്‍ നിന്ന് കിട്ടി. വെളളിയാഴ്ച ക്ഷേത്രത്തിലെ മണിക്കിണര്‍ വറ്റിച്ചപ്പോഴാണ് തിരുവാഭരണം തിരികെക്കിട്ടിയത്. 1985 ല്‍ കണാതായ 24 രത്‌നങ്ങള്‍ പതിച്ച 60 ഗ്രാം തൂക്കമുള്ള നാഗപടത്താലിയാണ് കണ്ടുകിട്ടിയത്

കേരളത്തില്‍ ഏറെ വിവാദം സൃഷ്ടിച്ച കേസായിരുന്നു ഇത്. അന്ന് ക്ഷേത്രം മേല്‍ ശാന്തിയെയും മക്കളെയും നുണ പരിശോധനയ്ക്ക് വിധേയമാക്കിയിരുന്നു. മൂന്ന് തിരുവാഭരണങ്ങള്‍ കാണാതായതില്‍ ഒന്നാണ് ഇപ്പോള്‍ കിട്ടിയിരിക്കുന്നത്. തിരുവാഭരണം കാണാതായതുമായി ബന്ധപ്പെട്ട് പ്രശ്‌നം വച്ചപ്പോള്‍ ക്ഷേത്രക്കിണറ്റില്‍ തിരുവാഭരണം ഉണ്ടെന്നു സൂചന ലഭിച്ചിരുന്നു.

എന്നാല്‍ അന്ന് ആരും ഈ സൂചനയുമായി മുന്നോട്ടു പോയിരുന്നില്ല. പ്രാഥമികനിരീക്ഷണത്തില്‍ നേരത്തേ നഷ്ടമായ തിരുവാഭരണമാണിതെന്നു വ്യക്തമായതായി ദേവസ്വം അധികൃതര്‍ പൊലീസില്‍ വിവരം അറിയിച്ചു. ക്ഷേത്രത്തിലെ മണിക്കിണറില്‍ നിറവ്യത്യാസം കണ്ടതിനെ തുടര്‍ന്നാണ് കിണര്‍ വറ്റിച്ചത്.

ഇതിനിടെ സംഭവവുമായി ബന്ധപ്പെട്ട് അന്നത്തെ മുഖ്യമന്ത്രിയായിരുന്നു കെ.കരുണാകരനെ അപമാനിച്ചവര്‍ മാപ്പു പറയണെന്നും തിരുവാഭരണം ഒളിപ്പിച്ചവരെ പിടികൂടണമെന്നും മകനും കോണ്‍ഗ്രസ് നേതാവുമായ കെ.മുരളീധരന്‍ പറഞ്ഞു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Accident, Obituary.

	GREENWOODS
	PUBLIC SCHOOL & JUNIOR COLLEGE
	A.K. Road, P.O. Bekal, Kasaragod
ADMISSION OPEN FOR LOWER KINDERGARTEN -LKG
(Age Eligibility : 3½ years as on 01-06-2014)
& Limited seats are vacant in classes UKG TO IX (ICSE CURRICULUM)
For more details, contact Admission Counsellor Ph : 9895688729, 0467 3255688, 2265566, 2239566 Email:greenwoodsschool@gmail.com website: www.bekalgreenwoodsschool.com