വിമാനത്താവളത്തില്‍ കാണാതായ യുവാവിനെ കാമുകിയോടൊപ്പം കണ്ടെത്തി

മംഗലാപുരം: ജോലിക്കായി വിദേശത്തുപോകാന്‍ വിമാനത്താവളത്തിലെത്തിയശേഷം കാണാതായ വിവാഹിതനായ യുവാവിനെ ദിവസങ്ങള്‍ക്കുശേഷം കാമുകിയുടെകൂടെ വാടകവീട്ടില്‍ കണ്ടെത്തി. കുന്ദാപുര്‍ ഗുണ്ട്മി സ്വദേശി മുഹമ്മദ് ഖലീലിനെയാണ് നെരലക്കട്ടയിലെ ഒരു വീട്ടില്‍ കാമുകിയോടൊപ്പം കണ്ടെത്തിയത്.

കഴിഞ്ഞ 17-നാണ് ദുബായിലേക്കു പോകാന്‍ ഖലീല്‍ മംഗലാപുരത്തെത്തിയത്. വിമാനത്താവളത്തിലെത്തിയപ്പോള്‍ യാത്ര ഒരു ദിവസം വൈകുമെന്ന് ഖലീല്‍ ബന്ധുക്കളെ അറിയിച്ചു. തുടര്‍ന്ന് ബന്ധുക്കള്‍ തിരിച്ചുപോയി. രണ്ടു ദിവസം കഴിഞ്ഞിട്ടും ഖലീല്‍ ദുബായിലെത്തിയില്ല. നാട്ടിലേക്കും വന്നില്ല. ഫോണില്‍ ബന്ധപ്പെട്ടിട്ടും വിവരമില്ലാതായതോടെ ബന്ധുക്കള്‍ ബജ്‌പെ പോലീസില്‍ പരാതി നല്‍കി. കാണാനില്ലെന്ന് ചില പത്രങ്ങളിലും ഫോട്ടോ സഹിതം വാര്‍ത്ത നല്‍കി. ഈ വാര്‍ത്ത കണ്ടാണ് നെരലക്കട്ടയിലെ നാട്ടുകാര്‍ ഖലീലിനെപ്പറ്റി പോലീസിനെ അറിയിച്ചത്.

ഖലീലിന് കുറേ നാളായി അന്യസമുദായത്തില്‍പ്പെട്ട ഈ സ്ത്രീയുമായി ബന്ധമുണ്ടായിരുന്നു. മൂന്നു മക്കളുണ്ടെങ്കിലും ഭാര്യയുമായി വിവാഹബന്ധം വേര്‍പെടുത്തി ഈ സ്ത്രീയെ വിവാഹം കഴിക്കാനായിരുന്നു ഖലീലിന്റെ ഉദ്ദേശ്യം. വീട്ടുകാരും സുഹൃത്തുക്കളും എതിര്‍ത്തു. അങ്ങനെയാണ് നിര്‍ബന്ധിച്ച് വിദേശത്തേക്കയക്കാന്‍ തീരുമാനിച്ചത്. സുഹൃത്തുക്കള്‍ തന്നെയാണ് പണം നല്‍കിയത്. പക്ഷേ, അവരുടെ ശ്രമം വിഫലമായി. ഖലീലിന്റെ കാമുകിയും വിവാഹബന്ധം വേര്‍പെടുത്തി ഒറ്റയ്ക്കു താമസിക്കുകയാണ്. ബജ്‌പെ പോലീസ് കേസെടുത്തിട്ടുണ്ട്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News

	GREENWOODS
	PUBLIC SCHOOL & JUNIOR COLLEGE
	A.K. Road, P.O. Bekal, Kasaragod
ADMISSION OPEN FOR LOWER KINDERGARTEN -LKG
(Age Eligibility : 3½ years as on 01-06-2014)
& Limited seats are vacant in classes UKG TO IX (ICSE CURRICULUM)
For more details, contact Admission Counsellor Ph : 9895688729, 0467 3255688, 2265566, 2239566 Email:greenwoodsschool@gmail.com website: www.bekalgreenwoodsschool.com