തിങ്കളാഴ്ച നല്കിയ വെള്ളം ഒരുകാരണവശാലും കുടിക്കരുതെന്നാണ് ജല അതോറിറ്റി അധികൃതര് പറയുന്നത്. കുളിക്കാനും വസ്ത്രങ്ങളും പാത്രവും കഴുകാനും മാത്രമേ അത് ഉപയോഗിക്കാവൂ എന്നും അവര് മുന്നറിയിപ്പു നല്കുന്നു. ലോകാരോഗ്യസംഘടന കുടിവെള്ളത്തില് അനുവദിക്കുന്ന പരമാവധി അളവ് 1000 മില്ലിഗ്രാമാണെന്നും അത്രയും ഇല്ലാത്തതിനാല് ഇവിടെ നല്കുന്ന വെള്ളം ഉപയോഗിക്കുന്നതില് തെറ്റില്ലെന്നുമുള്ള നിലപാടിലായിരുന്നു ജലഅതോറിറ്റി അധികൃതര് നാളിതുവരെ. എന്നാല്, കഴിഞ്ഞ ദിവസം ആയിരം കടന്നതോടെ സ്ഥിതി ഗുരുതരമായിരിക്കുകയാണ്.
കാസര്കോട് നഗരസഭയിലും ചെങ്കള, മുളിയാര്, മധൂര് ഗ്രാമപ്പഞ്ചായത്തുകളിലും ജല അതോറിറ്റി ഇപ്പോള് നല്കുന്നത് വായില് വെക്കാന് പോലും കഴിയാത്ത വെള്ളമാണ്. 6970 കണക്ഷനുകളിലായി അരലക്ഷത്തോളം പേരാണ് ഉപ്പുവെള്ളം കുടിച്ച് ദാഹം മാറ്റുന്നത്. കാസര്കോട് നഗരസഭയില് മാത്രം 5654 കണക്ഷനുകളുണ്ട്.
കഴിഞ്ഞ വര്ഷം അവസാന സമയത്ത് 840 മില്ലിഗ്രാം വരെ ഉപ്പിന്റെ അളെവത്തിയിരുന്നു. കാലവര്ഷത്തിനു മുമ്പേ ഉപ്പുവെള്ളം കുടിക്കുകയെന്നത് കഴിഞ്ഞ ഏതാനും വര്ഷങ്ങളായി കാസര്കോട് ജനതയുടെ ശാപമാണ്. ബാവിക്കരയില്നിന്നാണ് നഗരത്തിലേക്കും സമീപ പഞ്ചായത്തുകളിലേക്കും കുടിവെള്ളമെടുക്കുന്നത്. ഉപ്പുവെള്ളം കയറുന്നത് തടയാന് ഇക്കുറിയും ലക്ഷക്കണക്കിന് രൂപ ചെലവിട്ട് താത്കാലിക തടയണ നിര്മിച്ചിട്ടുണ്ട്. നീരൊഴുക്ക് കുറയുന്നതിനാല് കടലില്നിന്നുള്ള ഉപ്പ് വെള്ളത്തില് കലരുന്നതാണ് ഇപ്പോഴത്തെ പ്രശ്നത്തിനു കാരണം. ബാവിക്കരയില് സ്ഥിരം തടയണ നിര്മിക്കണമെന്ന ആവശ്യത്തിനു വര്ഷങ്ങളുടെ പഴക്കമാണുള്ളത്.
Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kasargod, Salt Water.
 | GREENWOODS |
| PUBLIC SCHOOL & JUNIOR COLLEGE | |
| A.K. Road, P.O. Bekal, Kasaragod | |
ADMISSION OPEN FOR LOWER KINDERGARTEN -LKG
| |
(Age Eligibility : 3½ years as on 01-06-2014)
| |
& Limited seats are vacant in classes UKG TO IX (ICSE CURRICULUM)
| |
| For more details, contact Admission Counsellor Ph : 9895688729, 0467 3255688, 2265566, 2239566 Email:greenwoodsschool@gmail.com website: www.bekalgreenwoodsschool.com | |
No comments:
Post a Comment