ക്യാമറക്കണ്ണുകള്‍ നിങ്ങളെ മിഴിച്ചുനോക്കുന്നുണ്ട്...

കാഞ്ഞങ്ങാട്: പോലീസുകാരെനയോ പോലീസുവണ്ടിയെയോ കാണുന്നില്ല. ഒന്നു പറത്തിവിടാം എന്നു കരുതിയവര്‍ക്ക് തെറ്റി. മോട്ടോര്‍ വാഹനവകുപ്പിന്റെ ക്യാമറക്കണ്ണുകള്‍ നിങ്ങളെ മിഴിച്ചുനോക്കുന്നുണ്ട്. ഒരുപക്ഷേ, ആര്‍.ടി.ഒ. ഓഫീസില്‍ ഹാജരാകാനുള്ള അറിയിപ്പ് കിട്ടുമ്പോഴായിരിക്കും മോട്ടോര്‍ വാഹന നിയമം ലംഘിച്ച കാര്യം നിങ്ങള്‍തന്നെ അറിയുന്നത്.
വര്‍ധിച്ചുവരുന്ന വാഹനാപകടങ്ങളും കുറ്റകൃത്യങ്ങളും തടയുന്നതിന്റെ ഭാഗമായാണ് മോട്ടോര്‍ വാഹനവകുപ്പ് ക്യാമറക്കണ്ണുകള്‍കൊണ്ട് കുറ്റകൃത്യങ്ങള്‍ ഒപ്പിയെടുക്കുന്നത്. തടഞ്ഞുനിര്‍ത്തലും ഓടിച്ചുപിടിക്കലും ഒഴിവാക്കി ശാസ്ത്രീയമായി കുറ്റമറ്റരീതിയിലുള്ള കുറ്റകൃത്യം തടയല്‍ മോട്ടോര്‍വാഹനവകുപ്പ് ഇപ്പോള്‍ വ്യാപകമാക്കിക്കഴിഞ്ഞു. വന്‍ നഗരങ്ങളില്‍ നേരത്തേ ഈ സന്പ്രദായം നടപ്പാക്കിക്കഴിഞ്ഞിരുന്നു.

കാഞ്ഞങ്ങാട് ഭാഗത്ത് രണ്ടാഴ്ചയായി തുടങ്ങിയ പരിശോധനയില്‍ നൂറിലധികം കേസുകള്‍ എടുക്കുന്നതായി പ്രവര്‍ത്തനത്തിന് നേതൃത്വം നല്‍കുന്ന മോട്ടോര്‍ വെഹിക്കിള്‍ ഇന്‍സ്‌പെക്ടര്‍ റെജി കുര്യാക്കോസ് പറഞ്ഞു. മൊബൈല്‍ ഫോണില്‍ സംസാരിച്ച്‌കൊണ്ട് വണ്ടിയോടിക്കുക, കൂടുതല്‍ ആളുകളെ കയറ്റുക, ഹെല്‍മെറ്റ് ധരിക്കാതിരിക്കുക, നമ്പര്‍പ്ലേറ്റിലെ അക്കങ്ങളില്‍ കൃത്രിമം കാണിക്കുക, കറുത്ത കൂളിങ് ഉപയോഗം, സീറ്റ് ബെല്‍റ്റ് ധരിക്കാതിരിക്കല്‍, അനധികൃത പാര്‍ക്കിങ്, ഇടതുവശത്തുകൂടെ ഓവര്‍ടേക്ക് ചെയ്യുക തുടങ്ങിയ കുറ്റകൃത്യങ്ങള്‍ നടത്തിയവരാണ് പിടിക്കപ്പെടുന്നവരില്‍ ഭൂരിഭാഗവും.

നികുതി അടക്കാതെയും ഇന്‍ഷുറന്‍സ് അടക്കാതെയുമുള്ള വാഹനങ്ങളും കൂട്ടത്തില്‍ വലയില്‍ വീഴുന്നുണ്ട്. കേസുകളില്‍ പിടിക്കപ്പെടുന്നവരെ നോട്ടീസ് നല്‍കി വിളിച്ചുവരുത്തി ചെയ്ത കുറ്റകൃത്യത്തിന്റെ അപകടസാധ്യത ബോധ്യപ്പെടുത്തി പിഴയീടാക്കിയാണ് തീര്‍പ്പ് കല്പിക്കുന്നത്.

ഉദ്യോഗസ്ഥര്‍ മഫ്ടിയില്‍ സ്വകാര്യവാഹനങ്ങളില്‍ സഞ്ചരിച്ചാണ് ക്യാമറ ഉപയോഗിച്ച് കുറ്റകൃത്യങ്ങള്‍ പകര്‍ത്തുന്നത്. ഇത് വാഹനഡ്രൈവര്‍മാരുടെ ശ്രദ്ധയില്‍പ്പെടാറില്ല.
കഴിഞ്ഞ മാര്‍ച്ച് ഒന്നുമുതല്‍ കഴിഞ്ഞദിവസംവരെ 1500 കേസുകള്‍ കാഞ്ഞങ്ങാട് മോട്ടോര്‍ വാഹനവകുപ്പ് റജിസ്റ്റര്‍ ചെയ്തതായി കണക്കുകള്‍ വെളിപ്പെടുത്തുന്നു. ഈ കേസുകളില്‍ പിഴയിനത്തില്‍ 9.5 ലക്ഷം രൂപയാണ് ഈടാക്കിയത്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kanhangad, Trafic Camera. 

	GREENWOODS
	PUBLIC SCHOOL & JUNIOR COLLEGE
	A.K. Road, P.O. Bekal, Kasaragod
ADMISSION OPEN FOR LOWER KINDERGARTEN -LKG
(Age Eligibility : 3½ years as on 01-06-2014)
& Limited seats are vacant in classes UKG TO IX (ICSE CURRICULUM)
For more details, contact Admission Counsellor Ph : 9895688729, 0467 3255688, 2265566, 2239566 Email:greenwoodsschool@gmail.com website: www.bekalgreenwoodsschool.com