പ്രവാചകനെ നിന്ദിച്ചു ഡിവൈഎഫ്‌ഐ നേതാവിന്റെ പ്രസംഗം

കണ്ണൂര്‍: പ്രവാചകനെ നിന്ദിക്കുന്ന തരത്തില്‍ ഡിവൈഎഫ്‌ഐ നേതാവ് നടത്തിയ പ്രസംഗം വിവാദമാകുന്നു. ഡിവൈഎഫ്‌ഐ ജില്ലാ ജോയിന്റ് സെക്രട്ടറി എം. അനില്‍കുമാറാണു മുഹമ്മദ് നബിയെ നിന്ദിക്കുന്ന രീതിയില്‍ പ്രസംഗിച്ചത്. ഇരിട്ടി പെരിങ്കരിയിലെ ഒരുവായനശാലയുടെ ഉദ്ഘാടനവേളയിലായിരുന്നു സംഭവം.

പി.കെ. ശ്രീമതി എംപി വായനശാല ഉദ്ഘാടനം ചെയ്തു മടങ്ങിയശേഷം ഇദ്ദേഹം നടത്തിയ പ്രസംഗത്തിലാണു നബിയുടെ വിവാഹജീവിതത്തിനെതിരെ രൂക്ഷമായ വിമര്‍ശനമുയര്‍ത്തിയത്. പ്രസംഗത്തിലെ വിവാദഭാഗം വാട്‌സ്ആപ്പിലൂടെ പ്രചരിച്ചതോടെ ഡിവൈഎഫ്‌ഐ നേതാക്കള്‍ വിശദീകരണവുമായി രംഗത്തെത്തി. അനില്‍കുമാര്‍ പറഞ്ഞതു സംഘടനയുടെ നിലപാടല്ലെന്നാണു ജില്ലാ സെക്രട്ടേറിയറ്റിന്റെ നിലപാട്.

വിശ്വാസികളുടെ വികാരങ്ങള്‍ വ്രണപ്പെടുത്തുക ഡിവൈഎഫ്‌ഐയുടെ നിലപാടല്ലെന്നും നേതാക്കള്‍ വിശദീകരിക്കുന്നു. എന്നാല്‍ അനില്‍കുമാറിനെതിരെ മാതൃകാപരമായ നടപടിയെടുക്കണമെന്നാണു സംഘടനയിലെ ഒരുവിഭാഗത്തിന്റെ ആവശ്യം.

Keywords: Kannur, Kerala News, National News, Gulf News, Health News, Educational News, MalabarFlash, Malabar Vartha, Malabar News, Malayalam News