പെണ്ണിനും പണത്തിനും വേണ്ടി പെറ്റമ്മയെയും കൂടപ്പിറപ്പുകളെയും വില്‍പ്പനചരക്കാക്കുന്ന വിവര സാങ്കേതിക യുഗത്തില്‍ മനുഷ്യ സ്‌നേഹത്തിന്റെയും മാനവികതയുടെയും വിളംബരമാകും മാനവിക സമ്മേളനം. കര്‍ണാടക യാത്രയുടെ ഭാഗമായി നടക്കുന്ന സാമൂഹിക ജീവ കാരുണ്യ പദ്ധതികള്‍ക്കായി ദമ്മാം കെ സി എഫ് സമാഹരിക്കുന്ന ഫണ്ട് ശേഖരണത്തിന്റെ ഉദ്ഘാടനവും ചടങ്ങില്‍ നടക്കും.
ദമ്മാം സോണ്‍ കെ സി എഫ് പ്രസിഡണ്ട് അബ്ദുല്‍ അസീസ് സഅദിയുടെ അധ്യക്ഷതയില്‍ ഐ സി എഫ് മിഡില്‍ ഈസ്റ്റ് ചെയര്‍മാന്‍ സയ്യിദ് അബ്ദുല്‍ റഹിമാന്‍ ആറ്റക്കൊയ തങ്ങള്‍ പകര ഉദ്ഘാടനം ചെയ്യും. മര്‍കസ് ഡയരക്ടര്‍ ഡോ. അബ്ദുല്‍ ഹകീം അസ്ഹരി കാന്തപുരം മുഖ്യപ്രഭാഷണം നടത്തും. സമസ്ത കേരള സുന്നി യുവജന സംഘം സംസ്ഥാന വൈസ് പ്രസിഡണ്ട് അബ്ദുല്‍ റഹിമാന്‍ ഫൈസി മാരായമംഗലം സന്ദേശ പ്രഭാഷണം നടത്തും. വിവിധ സംഘടനാ പ്രധിനിധികളും സാമൂഹ്യ പ്രവര്‍ത്തകരും ആശംസകളര്‍പ്പിക്കും
ഇത് സംബന്ധമായി ദമ്മാം ഐ സി എഫ് ഹാളില്‍ നടന്ന ആസൂത്രണ യോഗം ദമ്മാം സെന്‍ട്രല്‍ ഐ സി എഫ് പ്രസിഡണ്ട് അബ്ദുസ്സമദ് മുസ്ല്യാര്‍ അധ്യക്ഷത വഹിച്ചു. സെന്‍ട്രല്‍ വൈസ് പ്രസിഡണ്ട് യൂസുഫ് സഅദി അല്‍ അഫ്‌സലി കണ്ണൂര്‍ ഉദ്ഘാടനം ചെയ്തു. അബ്ദുല്‍ റഹിമാന്‍ സഖാഫി, അന്‍വര്‍ കളറോഡ്, നാസര്‍ മസ്താന്‍മുക്ക്, ഇസ്ഹാഖ് മിസ്ബാഹി അല്‍ അഫ്‌സലി, കബീര്‍ സഖാഫി പാലക്കാട്, മൊയ്തു മുസ്ല്യാര്‍, സിദ്ദീഖ് സഖാഫി ഉറുമി , താജുദീന്‍ സഖാഫി സുള്ളിയ, അബൂബക്കര്‍ മദനി, ഹബീബ് സഖാഫി, ഇഖ്ബാല്‍ മല്ലൂര്‍, ഫൈസല്‍ കൃഷ്ണപുര, ചര്‍ച്ചയില്‍ പങ്കെടുത്തു. ലത്തീഫ് പള്ളത്തടുക്ക സ്വാഗതവും അബ്ദുല്‍ അസീസ് സഅദി വിട്ടല്‍ നന്ദിയും പറഞ്ഞു.
Keywords: Kerala News, National News, Gulf News, Health News, Educational News, MalabarFlash, Malabar Vartha, Malabar News, Malayalam News
No comments:
Post a Comment