പത്താം ഉഭയകക്ഷിക്കരാര്‍ ഉടന്‍ പിന്‍വലിക്കുക, ബാങ്കുകള്‍ സ്വകാര്യവല്‍ക്കരിക്കാനും, പരസ്പരം ലയിപ്പിക്കാനുള്ള നീക്കം ഉപേക്ഷിക്കുക, ജനകീയ ബാങ്കിംഗ് നടപ്പിലാക്കുക, പുറം കരാര്‍ നിയമം നിര്‍ത്തലാക്കുക തുടങ്ങിയ ആവശ്യങ്ങള്‍ ഉന്നയിച്ചായിരുന്നു പണി മുടക്ക്. കാസര്‍കോടും, കാഞ്ഞങ്ങാട്ടും പണി മുടക്ക് സമാധാനപരമായിരുന്നു. പണിമുടക്ക് മൂലം ബാങ്കിംഗ് പ്രവര്‍ത്തനങ്ങളും, ക്ലിയറിംഗ് ഹൗസ് പ്രവര്‍ത്തനങ്ങളും സ്തംഭിച്ചു.
യുഎഫ്ബിയു ടൗണ്‍ കമ്മിറ്റിയുടെ നേതൃത്വത്തില്‍ കാഞ്ഞങ്ങാട് സിന്‍ഡിക്കേറ്റ് ബാങ്ക് ശാഖയ്ക്ക് മുന്നില്‍ ജീവനക്കാര്‍ പ്രകടനം നടത്തി. നന്ദകുമാര്‍ നായര്‍, ബി.കൃഷ്ണന്‍, പി.വി.രവീന്ദ്രന്‍, വി.മനോജ് എന്നിവര്‍ നേതൃത്വം നല്‍കി. ശ്രീജിത്ത്, ജയരാജന്‍ കലൂര്‍ എന്നിവര്‍ സംസാരിച്ചു.
No comments:
Post a Comment