പ്രശസ്തപിന്നണി ഗായകന്‍ മന്നാഡെ അന്തരിച്ചു

ബാംഗ്ലൂര്‍ : പ്രശസ്തപിന്നണി ഗായകന്‍ മന്നാഡെ അന്തരിച്ചു. 94 വയസ്സായിരുന്നു. ബംഗ്ലൂരില്‍ വച്ചായിരുന്നു അന്ത്യം. ശ്വാസകോശ സംബന്ധമായ അസുഖത്തെത്തുടര്‍ന്നായിരുന്നു അന്ത്യം.

ചെമ്മീന്‍ എന്ന ചിത്രത്തിലെ മാനസ മൈനേ വരൂ എന്ന ഒറ്റഗാനത്തിലൂടെ അദ്ദേഹം മലയാളികള്‍ക്ക് പ്രിയപ്പെട്ട ഗായകനായി മാറി. കിഷോര്‍ കുമാര്‍, മുഹമ്മദ് റാഫി, മുകേഷ് എന്നിവരുടെ കാലത്ത് ഹിന്ദി പിന്നണി ഗാനരംഗത്തെ പ്രധാനിയായിരുന്നു. 2007ല്‍ രാജ്യം അദ്ദേഹത്തെ ഫാല്‍ക്കെ അവാര്‍ഡ് നല്‍കി ആദരിച്ചു.

കുറച്ചുകാലമായി വിശ്രമജീവിതം നയിച്ചുവരുകയായിരുന്നു ഇദ്ദേഹം. പ്രബോധ് ചന്ദ്ര ഡേയെന്നാണ് അദ്ദേഹത്തിന്റെ ശരിയായ പേര്. ഹിന്ദി, ഗുജറാത്തി, മറാത്തി, അസമിയ, കന്നഡ, മലയാളം തുടങ്ങിയ ഭാഷകളിലെല്ലാം അദ്ദേഹം ഗാനങ്ങള്‍ ആലപിച്ചിട്ടുണ്ട്.

ഹിന്ദി സിനിമാ ഗാനരംഗത്ത് ഏറ്റവും നന്നായി ശാസ്ത്രീയ സംഗീതം കൈകാര്യം ചെയ്തിരുന്നയാളായിരുന്നു മന്നാഡെ. 1943ലാണ് അദ്ദേഹം സിനിമയ്ക്കായി പാടിത്തുടങ്ങിയത്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Singer, Manna-dey, Chemmeen, Obituary