തിരഞ്ഞെടുപ്പ് ഇല്ലാതായതോടെ 20ന് അംഗങ്ങള് ചേര്ന്നു ഭരണസമിതി അധ്യക്ഷന്, ഉപാധ്യക്ഷന് എന്നിവരെ തിരഞ്ഞെടുക്കും.
സിപിഎം സംസ്ഥാന സമിതി അംഗവും നിലവില് ഭരണസമിതി ചെയര്മാനുമായ എം.വി. ജയരാജന്റെ നേതൃത്വത്തിലാണ് ഇടതുപാനല് പത്രിക സമര്പ്പിച്ചിരിക്കുന്നത്. പട്ടികയില് സിഎംപി (അരവിന്ദാക്ഷന്) വിഭാഗത്തിനും പ്രാതിനിധ്യമുണ്ട്. എം.വി. ജയരാജനു പുറമേ ഉപാധ്യക്ഷന് ശേഖരന് മിനിയോടന്, കാഞ്ഞങ്ങാട് നഗരസഭ അധ്യക്ഷന് വി.വി. രമേശന്, കണ്ണൂര് ജില്ലാ പഞ്ചായത്ത് അംഗം കെ.പി. ജയബാലന്, ഡോ. കെ. പ്രഭാകരന്, സി.വി. ഗൗരി നമ്പ്യാര്, എം.വി. സരള എന്നിവരും പത്രിക നല്കി.
സിപിഎം ജില്ലാ കമ്മിറ്റി അംഗം പി. പുരുഷോത്തമന്, മൊറാഴ–കല്യാശേരി സഹകരണ ബാങ്ക് പ്രസിഡന്റ് കെ. ദാമോദരന്, ഏഴോം സര്വീസ് സഹകരണ ബാങ്ക് അംഗം കെ. ഉഷ, സിഎംപി (അരവിന്ദാക്ഷന്) വിഭാഗം ജില്ലാ സെക്രട്ടറി സി.കെ. നാരായണന് എന്നിവരാണു പുതുതായി പത്രിക നല്കിയവര്.
പ്രത്യേക സ്ഥാപന വിഭാഗത്തിലെ ഒരു സീറ്റിലേക്കു മല്സരിക്കാന് ആരും പത്രിക സമര്പ്പിച്ചിട്ടില്ല. നാമനിര്ദേശ പത്രികകളുടെ സൂക്ഷ്മ പരിശോധന ഇന്ന് നടത്തും. പത്രിക പിന്വലിക്കാനുള്ള തീയതി ബുധനാഴ്ചയാണ്.
Keywords: Kerala News, Kerala Vartha, Malabarflash, Malabar news, Malayalam News
No comments:
Post a Comment