ഷാര്‍ജ:[www.malabarflash.com] അല്‍ ഗാഫിയ ഏരിയയില്‍ വില്ലയ്ക്ക് തീ പിടിച്ച് മാതാവും രണ്ട് പെണ്‍മക്കളും മരിച്ചു. ചൊവ്വാഴ്ച രാവിലെ 11.33 നായിരുന്നു അപകടം. കൊമറോസ് ദ്വീപ് സ്വദേശികളായ മാതാവും 12ഉം 13ഉം പ്രായമുള്ള പെണ്‍കുട്ടികളുമാണ് മരിച്ചതെന്ന് ഷാര്‍ജ സിവില്‍ ഡിഫന്‍സ് ഡയറക്ടര്‍ ജനറല്‍ ലഫ്.കേണല്‍ സമി ഖമീസ് അല്‍ നഖ്ബി പറഞ്ഞു.
വില്ല പൂര്‍ണമായും കത്തിനശിച്ചു. മാതാവ് വെന്ത് മരിക്കുകയായിരുന്നു. എന്നാല്‍ പെണ്‍കുട്ടികള്‍ കനത്ത പുക ശ്വസിച്ച് ശ്വാസം മുട്ടിയാണ് മരിച്ചത്. വില്ലയിലുണ്ടായിരുന്ന മറ്റു ജീവികളെ അഗ്‌നിശമന സേനാ വിഭാഗം രക്ഷപ്പെടുത്തി. ഷാര്‍ജ പോലീസ് സെന്‍ട്രല്‍ ഓപറേഷന്‍സ് ഡയറക്ടര്‍ ജനറല്‍ കേണല്‍ അലി സാലിം അല്‍ ഖയാല്‍, സിവില്‍ ഡിഫന്‍സ് ഡയറക്ടര്‍ ജനറല്‍ ലഫ്.കേണല്‍ സമി ഖമീസ് അല്‍ നഖ്ബി എന്നിവര്‍ സംഭവ സ്ഥലം സന്ദര്‍ശിച്ചു.
മാതാവിന്റെ മൃതദേഹം അല്‍ ഖുവൈത്തി ആശുപത്രിയിലും പെണ്‍കുട്ടികളുടെ മൃതദേഹങ്ങള്‍ അല്‍ ഖാസിമി ആശുപത്രിയിലും പ്രവേശിപ്പിച്ചു. തൊട്ടടുത്തായി വില്ലകളുള്ള സ്ഥലമാണിത്. അഗ്‌നിബാധയുടെ കാരണമെന്താണെന്ന് വ്യക്തമായിട്ടില്ല. പോലീസ് അന്വേഷണം ആരംഭിച്ചു.
Keywords: Gulf News, Kerala Vartha, Malabarflash, Malabar news, Malayalam News
No comments:
Post a Comment