സൂര്യ വിദ്യാര്‍ത്ഥികളെ തല്ലിയോ - വെളിപ്പെടുത്തലുമായി യുവതി

ചെന്നൈ: [www.malabarflash.com] സൂര്യ രണ്ട് വിദ്യാർത്ഥികളെ മര്‍ദ്ദിച്ചെന്ന വാര്‍ത്തയില്‍ വിശദീകരണവുമായി യുവതി രംഗത്ത്. ഒരു യുവതിയുടെ കാറും ബൈക്കും കൂട്ടിയിടിക്കുകയും ബൈക്കിൽ വന്ന വിദ്യാർത്ഥികൾ യുവതിയെ കൈയ്യേറ്റം ചെയ്യാൻ ശ്രമിച്ചതിനെ തുടർന്ന് സൂര്യ ഇടപെട്ടന്നുമായിരുന്നു വാർത്ത. അതിനിടെ സൂര്യ തങ്ങളെ മർദ്ദിച്ചുവെന്ന് ആരോപിച്ച് വിദ്യാർത്ഥികള്‍ പോലീസിനെ സമീപിച്ചതോടെയാണ് സംഭവം വിവാദമായത്.
എന്നാൽ ഈ വിഷയത്തിൽ പുതിയ വെളിപ്പെടുത്തലുമായി യുവതി തന്നെ നേരിട്ട് രംഗത്തെത്തി. ഒരു സ്ത്രീയെ പൊതുമധ്യത്തിൽ കൈയ്യേറ്റം ചെയ്യുന്നത് കണ്ട് കാർ നിർത്തിയതിന് സൂര്യയോട് നന്ദി. കൃത്യസമയത്തായിരുന്നു അങ്ങ് ഇടപെട്ടത്. പുഷ്പ കൃഷ്ണസ്വാമി ട്വിറ്ററില്‍ പറയുന്നു.
രണ്ട് കുട്ടികളും ചേർന്ന് കാറിന്റെ ചില്ലു തകർത്തു. എന്നെ കാറിൽ കയറ്റാതിരിക്കാൻ ശ്രമിച്ചു. ആ സമയത്താണ് സൂര്യ ഇടപെട്ട് കുട്ടികളിൽ നിന്ന് എന്നെ രക്ഷിക്കുന്നത്. അവരുടെ അസഭ്യവർഷങ്ങളിൽ നിന്നും ഭീഷണയിൽ നിന്നും എന്നെ രക്ഷിച്ച സൂര്യയോട് എത്ര നന്ദി പറഞ്ഞാലും തീരില്ല. പുഷ്പ പറഞ്ഞു.
ഇതിന് പ്രതികരണവുമായി സൂര്യയും ട്വിറ്ററില്‍ എത്തി. പുഷ്പയുടെ ധൈര്യത്തെ അഭിനന്ദിച്ചാണ് സൂര്യ ട്വിറ്റ് ചെയ്തത്.
Keywords: Kerala News, Kerala Vartha, Malabarflash, Malabar news, Malayalam News