കണ്ണൂരില്‍ ബോംബ് പൊട്ടി ബിജെപി പ്രവര്‍ത്തകന്‍ മരിച്ചു

കണ്ണൂര്‍:[www.malabarflash.com] കൂത്തുപറമ്പിനു സമീപം കോട്ടയംപൊയിലില്‍ ബോംബ് പൊട്ടി ബിജെപി പ്രവര്‍ത്തകന്‍ മരിച്ചു. കോട്ടയംപൊയില്‍ പൊന്നമ്പത്ത് ഹൗസില്‍ ദീക്ഷിത് (26) ആണു മരിച്ചത്. കോട്ടയംപൊയില്‍ കോലക്കാവിനു സമീപത്തു വച്ചാണു ബോംബ് പൊട്ടിയത്. ദീക്ഷിതിന്റെ വീട്ടില്‍ വച്ചാണ് സ്‌ഫോടനം ഉണ്ടായത്.

സംഭവം നടക്കുമ്പോള്‍ ദീക്ഷിത് മാത്രമാണു വീട്ടിലുണ്ടായിരുന്നത്. വീടിന്റെ ഒന്നാം നിലയിലാണു സ്‌ഫോടനമുണ്ടായത്. മുകള്‍ നിലയിലെ ഓടുകളടക്കം മേല്‍ക്കൂരയുടെ ഭാഗം തകര്‍ന്നു. ബോംബ് നിര്‍മാണത്തിനിടെയാണു സ്‌ഫോടനമെന്നു സംശയിക്കുന്നതായി പോലീസ് അറിയിച്ചു. മൃതദേഹം തലശേരി സഹകരണ ആശുപത്രിയില്‍ സൂക്ഷിച്ചിരിക്കുകയാണ്.

Keywords: Kannur News, Kerala Vartha, Malabarflash, Malabar news, Malayalam News