തന്റെ ജീവൻ അപായപ്പെടുത്താൻ യോഗി സർക്കാറിന്റെ ഭാഗത്തുനിന്ന് ശ്രമമുണ്ടെന്ന് ഡോ. കഫീൽ ഖാൻ പറയുന്നതിനിടയിലാണ് സഹോദരനുനേരെ വധശ്രമം.
ഞായറാഴ്ച രാത്രി 10 മണിയോടെയാണ് ആക്രമണം. തറാവീഹ് നമസ്കാരം കഴിഞ്ഞ് സ്കൂട്ടിയിൽ വീട്ടിലേക്ക് മടങ്ങുകയായിരുന്ന കാശിഫിനെ ഒാവർ ബ്രിഡ്ജിന് മുകളിൽ വെച്ചാണ് ഒാട്ടോയിലെത്തിയ ആക്രമികൾ വെടിവെച്ചത്. മൂന്നു വെടിയുണ്ടകൾ കാശിഫിന്റെ ശരീരത്തിൽ പതിച്ചു. കഴുത്തിലും ചുമലിലും കാലിലും വെടിയേറ്റ സഹോദരൻ അപകടനില തരണംചെയ്തിട്ടില്ലെന്ന് ഡോ. കഫീൽ ഖാൻ പറഞ്ഞു.
ഉത്തർപ്രദേശ് മുഖ്യമന്ത്രി യോഗി ആദിത്യനാഥിന്റെ തട്ടകമായ ഗോരഖ്പുരിൽ ഒാക്സിജൻ നിലച്ച് കുഞ്ഞുങ്ങൾ കൂട്ടമരണത്തിനിടയായ വേളയിൽ സ്വന്തം ചെലവിൽ ഒാക്സിജൻ വരുത്തി നിരവധി കുഞ്ഞുങ്ങളെ രക്ഷിച്ചതിെൻറ പേരിൽ യോഗിയുടെ പ്രതികാര നടപടിക്കിരയായ ഡോ. കഫീൽ ഖാൻ എട്ടുമാസത്തെ ജയിൽവാസത്തിനുശേഷം ഒരു മാസം മുമ്പാണ് ജാമ്യം ലഭിച്ച് പുറത്തുവന്നത്. എട്ടുമാസമായിട്ടും ഡോ. കഫീലിനെതിനെതിരെ കുറ്റം ചുമത്താൻ ഉത്തർപ്രദേശ് പോലീ സിന് കഴിഞ്ഞില്ലെന്ന് ചൂണ്ടിക്കാട്ടിയാണ് അലഹബാദ് ഹൈകോടതി കഫീലിന് ജാമ്യം അനുവദിച്ചത്.
ഉത്തർപ്രദേശ് മുഖ്യമന്ത്രി യോഗി ആദിത്യനാഥിന്റെ തട്ടകമായ ഗോരഖ്പുരിൽ ഒാക്സിജൻ നിലച്ച് കുഞ്ഞുങ്ങൾ കൂട്ടമരണത്തിനിടയായ വേളയിൽ സ്വന്തം ചെലവിൽ ഒാക്സിജൻ വരുത്തി നിരവധി കുഞ്ഞുങ്ങളെ രക്ഷിച്ചതിെൻറ പേരിൽ യോഗിയുടെ പ്രതികാര നടപടിക്കിരയായ ഡോ. കഫീൽ ഖാൻ എട്ടുമാസത്തെ ജയിൽവാസത്തിനുശേഷം ഒരു മാസം മുമ്പാണ് ജാമ്യം ലഭിച്ച് പുറത്തുവന്നത്. എട്ടുമാസമായിട്ടും ഡോ. കഫീലിനെതിനെതിരെ കുറ്റം ചുമത്താൻ ഉത്തർപ്രദേശ് പോലീ സിന് കഴിഞ്ഞില്ലെന്ന് ചൂണ്ടിക്കാട്ടിയാണ് അലഹബാദ് ഹൈകോടതി കഫീലിന് ജാമ്യം അനുവദിച്ചത്.
ജാമ്യാപേക്ഷ പരിഗണിക്കാതിരിക്കാൻ നിരവധി തവണ യോഗി സർക്കാറിന്റെ ഭാഗത്തുനിന്ന് ശ്രമമുണ്ടാകുകയും തന്റെ ജീവൻ അപായപ്പെടുത്താൻ ശ്രമമുണ്ടെന്ന് ജയിലിൽനിന്ന് കഫീൽ ഖാൻ കത്തയക്കുകയും ചെയ്തതിന് ശേഷമായിരുന്നു ഹൈകോടതി ജാമ്യം അനുവദിച്ചത്. ജാമ്യം ലഭിച്ച സാഹചര്യത്തിൽ തന്നെ സർവിസിൽ തിരിച്ചെടുക്കണമെന്നാവശ്യപ്പെട്ട് കഫീൽ നൽകിയ കത്തിൽ നടപടിയൊന്നുമെടുത്തിട്ടില്ല. ഇതിനിടയിലാണ് ഞായറാഴ്ച കഫീലിന്റെ സഹോദരൻ കാശിഫിനുനേരെ വധശ്രമം നടന്നത്.
No comments:
Post a Comment