ഞായറാഴ്ച രാവിലെ ഒമ്പത് മണിയോടെയാണ് മൃതദേഹം കണ്ടത്. കോണ്വെന്റിനോട് ചേര്ന്ന കിണറിന് സമീപത്ത് രക്തപ്പാടുകള് കണ്ട ജീവനക്കാര് കിണറ്റില് നോക്കിയപ്പോളാണ് കിണറിനുള്ളില് മൃതദേഹം കണ്ടെത്തിയത്. ഉടന് തന്നെ പോലീസും ഫയര്ഫോഴ്സും എത്തി പരിശോധിച്ചപ്പോളാണ് ഇത് സിസ്റ്റര് സൂസന്റേതാണെന്ന് മനസിലായത്. പിന്നീട് കിണറിന്റെ സമീപത്ത് നടത്തിയ പരിശോധനയില് രക്തപ്പാടുകളും കണ്ടെത്തിയിട്ടുണ്ട്.
രാവിലെ പ്രാര്ഥനയ്ക്ക് വിളിച്ചപ്പോള് സിസ്റ്റര് സൂസന് വരാന് തയ്യാറിയില്ലെന്നും പിന്നീട് പ്രാര്ഥന കഴിഞ്ഞ് വന്നപ്പോളാണ് മൃതദേഹം കണ്ടതെന്നുമാണ് മറ്റ് കന്യാസ്ത്രീകളുടെ മൊഴി.
പോലീസ് കൂടുതല് പരിശോധന നടത്തി വരികയാണ്. പോസ്റ്റ്മോർട്ടത്തിന് ശേഷമെ മരണകാരണം വ്യക്തമാകുകയുള്ളുവെന്ന് പോലീസ് അറിയിച്ചു.
No comments:
Post a Comment