ഹഫറൽ ബാത്വിനിൽ നിന്ന് 250 കിലോമീറ്റർ അകലെ സുൽഫയിൽ കഴിഞ്ഞ ദിവസം പുലർച്ചെയായിരുന്നു അപകടം. ഇവർ സഞ്ചരിച്ച കാർ നിയന്ത്രണം വിട്ട് റോഡരികിലെ പോസ്റ്റിൽ ഇടിച്ച് മറിയുകയായിരുന്നു. ഇരുവരും സംഭവ സ്ഥലത്ത് തന്നെ മരിച്ചു. ഇടിയുടെ ആഘാതത്തിൽ അകലേക്ക് തെറിച്ചു വീണ കുട്ടി പരിക്കുകൾ കൂടാതെ രക്ഷപ്പെടുകയായിരുന്നു.
ഏറെ വൈകിയാണ് ഹഫറൽ ബാത്വിനിൽ അപകട വിവരം എത്തുന്നത്. സുഹൃത്തുക്കളോടും സഹപ്രവർത്തകരോടും യാത്ര ചോദിച്ച് 15 ദിവസം മുമ്പാണ് കുടുംബം ഉംറക്ക് പുറപ്പെട്ടത്. രണ്ടാഴ്ച കഴിഞ്ഞേ മടങ്ങി വരൂ എന്ന് അറിയിച്ചിരുന്നു.
സുൽഫി ആശുപത്രിയിലാണ് മൃതദേഹം സൂക്ഷിച്ചിരിക്കുന്നത്. കുട്ടിയെ വിട്ടുകിട്ടുന്നതിനുള്ള രേഖകളുമായി സഹപ്രവർത്തകർ സുൽഫിയിൽ എത്തിയിട്ടുണ്ട്.
കുട്ടിയെ നാട്ടിലുള്ള ബന്ധുക്കളുടെ അടുത്തെത്തിക്കുന്നതിനുള്ള നടപടികൾ സ്വീകരിക്കുമെന്ന് ഇവരുടെ അയൽ വാസിയും സുഹൃത്തുമായ സാനു പറഞ്ഞു. ആയിഷയുടെ കുടുംബം മൃതദേഹം നാട്ടിലെത്തിക്കണമെന്നും ഫിറോസ് അഹമ്മദിന്റെ കുടുംബം മൃതദേഹം സൗദിയിൽ ഖബറടക്കണമെന്നും ആവശ്യപ്പെട്ടിട്ടുണ്ട്.
ഈ തര്‍ക്കം നിലനിൽക്കുന്നതിനാൽ തീരുമാനമെടുക്കാനാവാതെ കുഴയുകയാണ് സൗദിയിലെ സഹപ്രവർത്തകർ.
No comments:
Post a Comment