തമിഴ്നാട് -കർണാടക അതിർത്തിയിലെ ഹൊസൂർ റെയിൽവെ സ്റ്റേഷനിൽ വെള്ളിയാഴ്ച രാവിലെ ആറോടെയാണ് സംഭവം. കൂട്ടുകാരായ മൂന്നുപേരോടൊപ്പം ബംഗളൂരുവിലേക്ക് പെരുന്നാൾ ടൂറിന് പോയതായിരുന്നു.
കണ്ണൂർ- യശ്വന്ത്പൂർ എക്സ്പ്രസ് ഹൊസൂർ റെയിൽവെ സ്റ്റേഷനിലെ രണ്ടാം പ്ലാറ്റ്ഫോമിലെത്തിയപ്പോൾ ചായ വാങ്ങാൻ വേണ്ടി ഇർഷാദ് പുറത്തിറങ്ങുകയായിരുന്നു. ട്രെയിൻ പുറപ്പെട്ടതോടെ ഓടിക്കകയറാൻ ശ്രമിച്ചു. കൂട്ടുകാർ വാതിൽക്കൽനിന്ന് കൈകൊടുത്തെങ്കിലും കാൽവഴുതി ട്രെയിനിനും പ്ലാറ്റ്ഫോമിനുമിടയിൽ വീണതോടെ തൽക്ഷണം മരിച്ചു.
മൃതദേഹം ഹൊസുർ ഗവ. ആശുപത്രിയിൽ സൂക്ഷിച്ചിരിക്കുകയാണ്. വിദേശത്ത് ജോലി ചെയ്യുന്ന പിതാവ് ഹമീദ് നാട്ടിലേക്ക് തിരിച്ചിട്ടുണ്ട്. ഹൊസൂരിൽ നിന്ന് പോസ്റ്റ്മോർട്ടത്തിന് ശേഷം നാട്ടിലെത്തിക്കുന്ന മൃതദേഹം ശനിയാഴ്ചയോടെ ഖബറടക്കുമെന്ന് ബന്ധുക്കൾ അറിയിച്ചു.
No comments:
Post a Comment