എല്ലാ വര്‍ഷവും വിപുലമായി നടത്താറുള്ള നബിദിന ആഘോഷം ഒരാഴ്ചത്തേക്ക് മാറ്റി വെച്ചിരിക്കുകയാണ് പേരാമ്പ്ര പാലേരിയിലെ ഇടിവെട്ടിയില്‍ പള്ളിക്കമ്മിറ്റി.
മസ്ജിദിന് തൊട്ടടുത്ത് താമസിക്കുന്ന കെളച്ചപറമ്പില്‍ നാരായണന്‍ നമ്പ്യാരുടേയും അനിതയുടേയും മകള്‍ പ്രത്യൂഷയുടേയും കന്നാട്ടി സ്വദേശി ബിനുരാജിന്റേയും വിവാഹ ആഘോഷങ്ങള്‍ക്ക് തടസ്സമാകാതിരിക്കാനാണ് മഹല്ല് കമ്മിറ്റി നബിദിനാഘോഷം മാറ്റിയത്.
വിവാഹ ചടങ്ങുകള്‍ കേമമാക്കി നടത്താന്‍ പള്ളിക്കമ്മിറ്റി ഇങ്ങനെ ഒരു തീരുമാനം എടുത്തതില്‍ ഏറെ സന്തോഷത്തിലാണ് പ്രത്യുഷയുടെ കുടുംബം.
ബാലകൃഷ്ണന്‍ നായര്‍ ആവശ്യപ്പെടാതെയായിരുന്നു മഹല്ല് കമ്മിറ്റിയുടെ തീരുമാനം. ആഘോഷ പരിപാടികള്‍ മാറ്റിവെച്ചന്ന് മാത്രമല്ല വിവാഹ വീട്ടിലേക്ക് വേണ്ട സഹായങ്ങള്‍ ചെയ്യാനും മഹല്ല് കമ്മിറ്റി അംഗങ്ങള്‍ എത്തി. അടുത്ത ഞായാറാഴ്ച നബിദിനം ആഘോഷിക്കാനാണ് ഇവരുടെ തീരുമാനം.
No comments:
Post a Comment