പടന്നക്കാട് നെഹ്റു കോളജ് സാഹിത്യവേദി സംഘടിപ്പിച്ച ദ്വിദിന സാഹിത്യശില്പശാല കോളജ് ഓഡിറ്റോറിയത്തില് ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. എഴുത്തുകാരനു ജാതിയും മതവുമില്ല. എഴുത്തുകാരന് മുന്നോട്ടുവയ്ക്കുന്ന മതം മനുഷ്യത്വമാണ് . അതാണ് ഏറ്റവും ശ്രേഷ്ഠമായ മതം. അന്തിമ വിശകലനത്തില് എഴുത്തുകാരന് എഴുതുന്നത് എഴുത്തുകാരനു വേണ്ടി മാത്രമാണെന്നും അദ്ദേഹം പറഞ്ഞു.
ചടങ്ങില് പ്രിന്സിപ്പല് ഡോ. ഖാദര് മാങ്ങാട് അധ്യക്ഷത വഹിച്ചു. കോളജ് മാനേജര് എം.കുഞ്ഞിരാമന് നമ്പ്യാര്, സെക്രട്ടറി കരിമ്പില് രാമനാഥന്, പിടിഎ സെക്രട്ടറി ഡോ. കെ. രാജന്, കെ.എസ.് സുരേഷ്കുമാര്, സഹിത്യവേദി ചെയര്മാന് പി.പി. പ്രജിത് എന്നിവര് പ്രസംഗിച്ചു.
എഴുത്തുകാരും നെഹ്റു കോളജിലെ പൂര്വവിദ്യാര്ഥികളുമായ ഇ.പി. രാജഗോപാലന്, എ.വി. അനില്കുമാര്, സതീഷ്ബാബു പയ്യന്നൂര്, സന്തോഷ് ഏച്ചിക്കാനം, എ.സി. ശ്രീഹരി, രാജ്മോഹന് നീലേശ്വരം, ബിജു കാഞ്ഞങ്ങാട്, ദിവാകരന് വിഷ്്ണുമംഗലം, നാലാപ്പാടം പത്മനാഭന്, ത്യാഗരാജന് ചാളക്കടവ്, പി.വി. ഷാജികുമാര്, കെ.വി. പ്രവീണ് എന്നിവര് തങ്ങളുടെ ആദ്യ കഥകളെക്കുറിച്ചു വിശദീകരിച്ചു. ഇവരുടെ പ്രിയപ്പെട്ട കഥ ഉള്പ്പെടുത്തി സാഹിത്യവേദി പ്രസിദ്ധീകരിച്ച ഹാജര് പുസ്തകം എന്ന പുസ്തകം എം.മുകുന്ദന് പ്രകാശനം ചെയ്തു. ഡോ.അംബികാസുതന് മാങ്ങാട് സ്വാഗതവും സാഹിത്യവേദി സെക്രട്ടറി കെ.വി. കൃഷ്ണപ്രിയ നന്ദിയും പറഞ്ഞു. സാഹിത്യ ശില്പശാല ഇന്നു സമാപിക്കും.
No comments:
Post a Comment