110ാമത്തെ വയസ്സില്‍ നിര്യാതനായി

റാസല്‍ ഖൈമ: യു.എ.ഇ. പൗരന്‍ 110ാമത്തെ വയസ്സില്‍ നിര്യാതനായി. റാസല്‍ ഖൈമയിലെ ദിഗ്ദാഗ സ്വദേശിയായ സ്വദേശിയായ സാലിം ഖമീസ് ആണ് ഖലീഫ ഹോസ്പിറ്റലില്‍ വെച്ച് നിര്യാതനായത്. അദ്ദേഹത്തിന് എട്ട് മക്കളിലായി 72 പേരക്കുട്ടികളുണ്ട്. പ്രമേഹം, രക്തസമ്മര്‍ദ്ദം തുടങ്ങിയ രോഗങ്ങളെന്നും അദ്ദേഹത്തിനുണ്ടായിരുന്നില്ലെന്ന് മൂത്ത മകന്‍ അഹമ്മദ് പറഞ്ഞു. ഖുര്‍ആന്‍ മന:പ്പാഠമായിരുന്ന അദ്ദേഹം ദീര്‍ഘ ദുരം പതിവായി നടക്കാറുണെ്ടന്നും മരിക്കുന്നതിന് 4 വര്‍ഷം മുമ്പ് വരെ പള്ളിയില്‍ ഇമാമായിരുന്നു. 8 തവണ ഹജ്ജും 15 പ്രാവശ്യം ഉംറയും നിര്‍വ്വഹിച്ചിട്ടുണ്ട്. 1956 ല്‍ റാസല്‍ ഖൈമ ഭരണാധികാരിയായിരുന്ന ശൈഖ് സഖര്‍ മുഹമ്മദ് അല്‍ ഖാസിമിയുടെ കൂടെയായിരുന്നു ഹജ്ജിന് പോയിരുന്നത്.