മുസ്ലിം ന്യൂനപക്ഷങ്ങള്‍ക്ക് നേരെ ഇന്ത്യയില്‍ അക്രമമുണ്ടായപ്പോഴെല്ലാം പാര്‍ലമെന്റില്‍ ഖായിദേ മില്ലത്തും, സേട്ടുസാഹിബും, ബനാത്ത് വാലയും ശക്തമായി സംസാരിച്ചിരുന്നു. ഇന്നത്തെ നേതാക്കള്‍ അങ്ങനെ ചെയ്യുന്നില്ല. അതിനാലാണ് മഅ്ദനി ഉള്‍പ്പെടെ ആയിരകണക്കിന് നിരപരാധികള്‍ ജയിലില്‍ കഴിയേണ്ടി വരുന്നത്. ന്യൂനപക്ഷങ്ങളുടെ പ്രശ്‌നങ്ങള്‍ ലോകസഭയില്‍ ഉന്നയിക്കുന്നത് മൂലായം സിങിന്റെയും മായാവതിയുടെയും പാര്‍ട്ടികളാണ്. അധികാര നഷ്ടം ഭയപ്പെട്ടാണ് പലരും സമുദായത്തിന്റെ കാര്യം വിസ്മരിക്കുന്നത് അദ്ദേഹം കുറ്റപ്പെടുത്തി.
സമാപന സമ്മേളനത്തില്‍ ഇമാംസ് കൗണ്‍സില്‍ സംസ്ഥാന വൈസ് പ്രസിഡണ്ട് സഈദ് മദനി അദ്ധ്യക്ഷത വഹിച്ചു. പോപ്പുലര്‍ ഫ്രണ്ട് സംസ്ഥാന സെക്രട്ടറി സാദത്ത് മാസ്റ്റര്‍ സംസ്ഥാന സമിതിയംഗം സലീം കരമന, എ.കെ. അബ്ദുല്‍ മജീദ്, വെസ്റ്റ് ജില്ലാ പ്രസിഡണ്ട് ബഷീര്‍ യൂനിവേഴ്‌സിറ്റി, ഇമാംസ് കൗണ്‍സില്‍ സംസ്ഥാന സെക്രട്ടറിമാരായ നിസാര്‍ മൗലവി, അബ്ദുറഹിമാന്‍ ഫൈസി കടവല്ലൂര്‍, ജില്ലാ സെക്രട്ടറി ഫൈസല്‍ മൗലവി, മാധ്യമ പ്രവര്‍ത്തകനായ കീപ്പള്ളി ശ്രീകുമാര്‍ സംസാരിച്ചു. സംസ്ഥാന തല കാമ്പയിന്‍ പ്രബന്ധരചനാ മത്സര വിജയികളായ ടി. ഹബീബ് റഹ്മാന്‍ മഞ്ചേരി, മഹബൂബ് നന്തി എന്നിവര്‍ക്ക് സാദത്ത് മാസ്റ്റര്‍ സമ്മാനങ്ങള്‍ നല്‍കി. പ്രവാചകനെക്കുറിച്ചുള്ള സി.ഡി. മുഹമ്മദ് ഈസാ ഫാളില്‍ മമ്പഇ കീപ്പള്ളി ശ്രീകുമാറിന് നല്‍കി പ്രകാശനം ചെയ്തു. മൂവാറ്റുപുഴ അഷറഫ് മൗലവി പ്രിയപ്പെട്ട നബിയെക്കുറിച്ച് പ്രഭാഷണം നടത്തി.
No comments:
Post a Comment