ചെന്നൈ: വാഹനാപകടത്തില് പരുക്കേറ്റു ചികില്സയിലായിരുന്ന ചലച്ചിത്രനടന് ജഗതി ശ്രീകുമാര് വെല്ലൂരിലെ ആശുപത്രിവിട്ടു. തിരുവനന്തപുരത്തെ വീട്ടിലേയ്ക്കാണ് അദ്ദേഹത്തെ കൊണ്ടുപോയത്. വെല്ലൂര് ക്രിസ്ത്യന് മെഡിക്കല് കോളജിനു (സിഎംസി) സമീപത്തെ റീഹാബിലിറ്റേഷന് സെന്ററില് ഫിസിയോതെറാപ്പി ചെയ്തുവരികയായിരുന്നു.
മാര്ച്ച് 10നു കോഴിക്കോട്ടുണ്ടായ വാഹനാപകടത്തില് ഗുരുതരമായി പരുക്കേറ്റ ജഗതിയെ ഏപ്രില് 12നാണു വെല്ലൂര് സിഎംസിയില് പ്രവേശിപ്പിച്ചത്. തലച്ചോറിന്റെ ഇടതുഭാഗത്തേറ്റ ക്ഷതംമൂലം ശരീരത്തിന്റെ വലതുഭാഗം പൂര്ണമായി തളര്ന്ന നിലയിലാണു സിഎംസിയില് എത്തിച്ചതെങ്കിലും ഇപ്പോള്ചലനശേഷി തിരിച്ചുകിട്ടിയിട്ടുണ്ട്.
No comments:
Post a Comment