കാഞ്ഞങ്ങാട്:മലയാള തെരുവുനാടകമത്സരത്തിലെ മികച്ച നടനായി കെ.രനിതും നടിയായി ദീപികയും തിരഞ്ഞെടുക്കപ്പെട്ടു. ഒന്നാം സ്ഥാനം നേടിയ പിലാത്തറ കോഓപ്പറേറ്റീവ് ആര്‍ട്‌സ് ആന്‍ഡ് സയന്‍സ് കോളേജിലെ 'കള്ളന്‍' എന്ന നാടകത്തിലെ കേളപ്പനെന്ന കഥാപാത്രമാണ് രനിത്തിന് മികച്ച നടനെന്ന സ്ഥാനം നേടിക്കൊടുത്തത്. ഒന്നാം വര്‍ഷ ബി.കോം. വിദ്യാര്‍ഥിയാണ്. കുഞ്ഞിമംഗലത്തെ രമേശന്റെയും അനിതയുടെയും മകനാണ്.
കാസര്‍കോട് കോളേജിന്റെ 'നോക്കുകുത്തികള്‍' എന്ന നാടകത്തിലെ അഭിനയത്തിനാണ് കെ.ദീപിക മികച്ച നടിയായത്. നാടകത്തിലെ വക്കീലിന്റെ ഭാര്യയായ ദുനിയയെയാണ് ദീപിക അനശ്വരമാക്കിയത്. ബി.എസ്‌സി. രണ്ടാം വര്‍ഷ വിദ്യാര്‍ഥിനിയാണ്. പെര്‍ളടുക്കത്തെ നാരായണന്‍ നമ്പ്യാരുടെയും രത്‌നാവതിയുടെയും മകളാണ്.
No comments:
Post a Comment