ട്രെയിനില്‍ നിന്നു തെറിച്ചു വീണു വ്യാപാരി മരിച്ചു

കണ്ണൂര്‍: ട്രെയിനില്‍ നിന്നു പുറത്തേക്കു തെറിച്ചുവീണു വ്യാപാരി മരിച്ചു. കണ്ണൂര്‍ എസ്എന്‍ പാര്‍ക്കിനടുത്തെ സ്റ്റേഷനറി വ്യാപാരിയായ ചേലോറ തിലാന്നൂര്‍ സ്വദേശി പുത്തന്‍പുരയില്‍ രാമചന്ദ്രന്‍ (72) ആണു മരിച്ചത്. ചൊവ്വാഴ്ി രാവിലെ 10.30 ഓടെ എടക്കാടിനും കണ്ണൂര്‍ സൗത്ത് സ്‌റ്റേഷനുമിടയില്‍ കണ്ണന്‍പീടിക ഓവുപാലത്തിനു സമീപമായിരുന്നു സംഭവം. എറണാകുളം-പൂന എക്‌സ്പ്രസില്‍ തലശേരിയില്‍ നിന്നു കണ്ണൂരിലേക്കു വരാന്‍ ട്രെയിന്‍ കയറിയ രാമചന്ദ്രന്‍ വാതിലിനു സമീപത്തുനിന്നു പുറത്തേക്കു തെറിച്ചുവീഴുകയായിരുന്നു. തത്ക്ഷണം മരിച്ചു. എടക്കാട് പോലീസ് ഇന്‍ക്വസ്റ്റ് നടത്തിയ മൃതദേഹം ജില്ലാ ആശുപത്രിയില്‍ പോസ്റ്റുമോര്‍ട്ടം ചെയ്തു. ഭാര്യ: മനോരമ. മക്കള്‍: സനൂപ് (ചൊവ്വ സഹകരണ സ്പിന്നിംഗ് മില്‍), സിനി. മരുമക്കള്‍: ദിവ്യ (ചൊവ്വ സഹകരണ സ്പിന്നിംഗ് മില്‍), പ്രമോദ്.