അതോടെ സെന്റ് പീറ്റേഴ്സ് ബസിലിക്കയ്ക്ക് പുറത്ത് കാത്തിനിന്നിരുന്ന വിശ്വാസസഹസ്രങ്ങള് ആഹ്ലാദാരവങ്ങളോടെ പുതിയ നാഥന്റെ വരവിനെ എതിരേറ്റു. പാപ്പ തിരഞ്ഞെടുക്കപ്പെട്ടതിന്റെ സൂചകമായ വെള്ള പുക ഉയര്ന്ന് ഒരു മണിക്കൂര് കഴിഞ്ഞ് ചടങ്ങുകള് പൂര്ത്തിയാക്കി കര്ദിനാള് ജീന് ലൂയിസ് ടൗറാന് നമുക്ക് പുതിയ പാപ്പ ലഭിച്ചിരിക്കുന്നു എന്ന പ്രഖ്യാപനം നടത്തി
അധികം വൈകാതെ കാത്തിരുന്ന ആ നിമിഷം ആഗതമായി. സെന്റ് പീറ്റേഴ്സ് ബസിലിക്കയുടെ മട്ടുപ്പാവിലെത്തി പോപ്പ് ഫ്രാന്സിസ് ഒന്നാമന് വിശ്വാസസമൂഹത്തിന് ദര്ശനം നല്കി അവരെ അഭിസംബോധന ചെയ്തു. മാര്പാപ്പയാകുന്ന ആദ്യ ജെസ്യൂട്ട് വൈദികന് കൂടിയാണ് ബര്ഗോഗ്ലിയോ. 1992 ല് ബിഷപ്പും 1998 ല് ആര്ച്ച് ബിഷപ്പുമായ ബര്ഗോഗ്ലിയോ2001 ലാണ് കര്ദിനാളായത്. ജോണ് പോള് രണ്ടാമന് മാര്പാപ്പയാണ് ബര്ഗോഗ്ലിയോയെ കര്ദിനാളായി ഉയര്ത്തിയത്. 115 കര്ദിനാള്മാരാണ് വോട്ടെടുപ്പില് പങ്കെടുത്തത്. അഞ്ചാം റൗണ്ട് വോട്ടെടുപ്പിലാണ് പോപ്പിനെ കണ്ടെത്തിയത്.
ലാറ്റിനമേരിക്കയില് നിന്നുള്ള ആദ്യ പോപ്പാണ് ഫ്രാന്സിസ് ഒന്നാമന് മാര്പാപ്പ. സഭാ ചരിത്രത്തില് 1282 വര്ഷത്തിന് ശേഷമാണ് യൂറോപ്പിന് പുറത്ത് നിന്ന് ഒരാള് സഭയുടെ അധിപനായി തിരഞ്ഞെടുക്കപ്പെടുന്നത്. വോട്ടെടുപ്പില് പങ്കെടുത്ത കര്ദിനാള്മാരില് 60 പേരും യൂറോപ്പില് നിന്നായിരുന്നു. അതില് തന്നെ 20 പേരും ഇറ്റലിയില് നിന്നുള്ള കര്ദിനാള്മാരായിരുന്നു. അതോടെ ഇത്തവണയും ഏവരും
സാധ്യത കല്പ്പിച്ചത് യൂറോപ്പില് നിന്നും വീണ്ടും ഒരു പോപ്പിനായിരുന്നു. എന്നാല് അപ്രതീക്ഷിതമായി ബര്ഗോഗ്ലിയോയിലൂടെ ലാറ്റിനമേരിക്കയ്ക്കും ഒരു പോപ്പിനെ ലഭിച്ചു.
വിശ്വാസ സമൂഹത്തോട് നന്ദിയുണ്ടെന്ന് ഫ്രാന്സിസ് ഒന്നാമന് മാര്പാപ്പ വിശ്വാസികളെ അഭിസംബോധന ചെയ്തു കൊണ്ട് പറഞ്ഞു. ഇനി ഒരുമിച്ച് യാത്രയ്ക്കൊരുങ്ങാമെന്ന് അദ്ദേഹം വിശ്വാസികളെ ആഹ്വാനം ചെയ്തു.
Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Mapappuram News, World, rgentine Jorge Bergoglio,
Argentine Jorge Bergoglio elected Pope Francis
No comments:
Post a Comment