പുതിയ താലൂക്കിന് തുളുനാടന്‍ എന്ന് നാമകരണം ചെയ്യണം: സുബ്ബയ്യ റായി

കാസര്‍കോട്: പുതുതായി രൂപീകൃതമാകുന്ന മഞ്ചേശ്വരം താലൂക്കിനെ തുളുനാടന്‍ താലൂക്ക് എന്ന് നാമകരണം ചെയ്യണമെന്ന് ആവശ്യം. മംഗലാപുരം ആസ്ഥാനമായി പ്രവര്‍ത്തിക്കുന്ന അഭിഭാഷകനും കാസര്‍കോട് ജില്ലാ കോണ്‍ഗ്രസ് കമ്മിറ്റി ജനറല്‍ സെക്രട്ടറിയും കേരള തുളു അക്കാദമി പ്രസിഡന്റുമായ ബി സുബ്ബയ്യ റായിയാണ് ഈ ആവശ്യം ഉന്നയിച്ചത്. ഇതുസംബന്ധിച്ച് മുഖ്യമന്ത്രി ഉമ്മന്‍ ചാണ്ടിക്ക് അദ്ദേഹം കത്ത് നല്‍കി.
മഞ്ചേശ്വരം താലൂക്കിലെ 80 ശതമാനം ജനങ്ങളും സംസാരിക്കുന്നത് തുളു ഭാഷയാണെന്ന് അദ്ദേഹം കത്തില്‍ വ്യക്തമാക്കി. മഞ്ചേശ്വരത്തിന്റെ ആചാരങ്ങളും അനുഷ്ഠാനങ്ങളും തുളു സംസ്‌ക്കാരവുമായി ബന്ധപ്പെട്ടതാണെന്നും അതിനാല്‍ തുളുനാടന്‍ താലൂക്ക് എന്ന് നാമകരണം ചെയ്യുന്നതാകും ഉചിതമെന്നും അദ്ദേഹം കത്തില്‍ സൂചിപ്പിച്ചു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Mapappuram News