ഇസ്‌ലാഹി മസ്ജിദിലെ സംഘര്‍ഷം: ഉത്തരവാദി പോലീസെന്ന് ഭാരവാഹികള്‍

മഞ്ചേരി: ഇക്കഴിഞ്ഞ ദിവസം മഞ്ചേരി നിലമ്പൂര്‍ റോഡിലെ ഇസ്‌ലാഹി കാമ്പസ് മസ്ജിദിലുണ്ടായ സംഘര്‍ഷത്തിന് യഥാര്‍ഥ ഉത്തരവാദികള്‍ പോലീസാണെന്ന് കമ്മിറ്റി ഭാരവാഹികള്‍ വാര്‍ത്താസമ്മേളനത്തില്‍ ആരോപിച്ചു. സമാധാനപരമായ അന്തരീക്ഷത്തില്‍ ജുമുഅ നമസ്‌ക്കാരത്തിനെത്തിയ വിശ്വാസികള്‍ക്കിടയില്‍ നിന്നും പോലീസ് ഖത്തീബ് ഫൈസല്‍ മുസ്‌ലിയാരെ പുറത്തേക്ക് വലിച്ചിറക്കി കൊണ്ടുപോവുകയായിരുന്നു. ഇത് മസ്ജിദിലെത്തിയവര്‍ ചോദ്യം ചെയ്തതാണ് സംഘര്‍ഷത്തിന് കാരണമെന്നും അവര്‍ പറഞ്ഞു. മൂന്ന് വര്‍ഷത്തോളം ഖുത്തുബ നടത്തിയിരുന്ന, പിരിഞ്ഞുപോയ അബ്ദുറഹിമാന്‍ ഫാറൂഖി സംഭവസ്ഥലത്തെത്തിയതും പ്രശ്‌നങ്ങള്‍ക്ക് കാരണമായി.
ഓഫീസ് സെക്രട്ടറി വല്ലാഞ്ചിറ അബ്ദുല്‍ അസീസിന്റെ നേതൃത്വത്തിലെത്തിയ ഒരു സംഘമാണ് ഫാറൂഖിയെ പള്ളിക്കകത്തേക്ക് വിട്ടത്. കമ്മിറ്റിയംഗങ്ങള്‍ക്കിടയില്‍ അഭിപ്രായ ഭിന്നതകളൊന്നുമില്ലെന്നും പള്ളിയില്‍ പോലീസുണ്ടാക്കിയതല്ലാത്ത ഒരു പ്രശ്‌നവുമില്ലെന്നും ഇവര്‍ ആരോപിച്ചു.
എന്നാല്‍ മുസ്‌ലിങ്ങള്‍ ഏറെ പ്രാധാന്യം നല്‍കുന്ന ജുമുഅ നമസ്‌ക്കാരം പള്ളിയില്‍ ഇക്കഴിഞ്ഞ ദിവസം മുടങ്ങിയത് ഒരു പ്രശ്‌നവും ഇല്ലാതെയാണോ എന്ന ചോദ്യത്തിന് കമ്മിറ്റിയംഗങ്ങള്‍ ഒഴിഞ്ഞുമാറുകയായിരുന്നു. കമ്മിറ്റിക്കെതിരെ പ്രശ്‌നമുണ്ടാക്കാനുള്ള ചില സംഘടനാ വിരുദ്ധരുടെ ദുഷ്ടലാക്കോടെയുള്ള നീക്കത്തെ നിയമപരമായ മാര്‍ഗത്തിലൂടെ നേരിടുമെന്ന് ഭാരവാഹികള്‍ പറഞ്ഞു.
വാര്‍ത്താ സമ്മേളനത്തില്‍ പ്രസിഡന്റ്് പി.വി. അബ്ദുല്‍ ജലീല്‍, സെക്രട്ടറി എ. അബ്ദുല്‍ ജലീല്‍, ഇ.കെ അബ്ദുല്‍ സലാം, കണ്ണിയന്‍ അലി ഹാജി, പി.കെ. ഹമീദ് ഹാജി, എ.വി. ഹമീദ് ഹാജി എന്നിവര്‍ പങ്കെടുത്തു.

മഞ്ചേരിയില്‍ മുജാഹിദ് വിഭാഗങ്ങള്‍ തമ്മില്‍ സംഘര്‍ഷം; പൊലീസ് പള്ളി പൂട്ടി



Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Mapappuram News