കല്യാണോത്സവം : തിരുപ്പതി ദേവന്‍മാര്‍ കാസര്‍കോട്ട്

കാസര്‍കോട് : കൂഡ്‌ലു ശ്രീവിഷ്ണുമംഗല ക്ഷേത്രത്തില്‍ നടക്കുന്ന കല്യാണോത്സവത്തിന്റെ ഭാഗമായി തിരുപ്പതി ക്ഷേത്രത്തിലെ വെങ്കിട്ട്രമണ, ശ്രീദേവി, ഭൂദേവി എന്നീ ദേവന്‍മാരുടെ വിഗ്രഹങ്ങള്‍ കാസര്‍കോട്ടെത്തി. തിരുപ്പതിയില്‍ നിന്നും രാവിലെ ഒമ്പതുമണിയോടെ റെയില്‍വേ സ്റ്റേഷന്‍ സമീപത്തെ വെങ്കിട്ട്രമണ ക്ഷേത്രത്തില്‍ എത്തിച്ച് പൂജാദി കര്‍മ്മങ്ങള്‍ നടത്തുകയും ഭക്തര്‍ക്ക് ദര്‍ശിക്കുന്നതിനായി അവസരം നല്‍കുകയും പ്രസാദ വിതരണം നടത്തുകയും ചെയ്തു. പത്തരയോടെ വിഗ്രഹങ്ങള്‍ കല്യാണോത്സവ് നടക്കുന്ന കുഡ്‌ലു ശ്രീവിഷ്ണുമംഗല ക്ഷേത്രത്തില്‍ എത്തിച്ചു. കല്യാണോത്സവത്തിനു ശേഷം രാത്രി ഒമ്പതുമണിയോടെ വിഗ്രഹങ്ങളുമായി തിരുപ്പതിയിലേക്ക് തിരിക്കും. ആദ്യമായാണ് ശ്രീ വിഷ്ണുമംഗല ക്ഷേത്രത്തില്‍ ഇത്തരം ഒരു മഹോത്സവം നടക്കുന്നത്.