കവര്‍ച്ച കണ്ട യുവതിയുടെ കൈവെട്ടി മോഷ്ടാവ് രക്ഷപ്പെട്ടു

കല്‍പ്പറ്റ: പട്ടാപ്പകല്‍ കല്‍പ്പറ്റ ഗൂഡലായ്ക്കുന്നില്‍ വീട്ടില്‍ കയറി എട്ടര പവന്‍ സ്വര്‍ണാഭരണങ്ങളും 75,000 രൂപയും കവര്‍ന്നു. സംഭവം കണ്ടുനിന്ന യുവതിയുടെ കൈവെട്ടി മോഷ്ടാവ് രക്ഷപ്പെട്ടു.
വ്യാഴാഴ്ച ഉച്ചയ്ക്ക് ഒരുമണിയോടെയാണ് സംഭവം. മോഷ്ടാവ് വീട്ടിനകത്ത് കടന്ന് അലമാരയുടെ താക്കോലെടുത്ത് തുറന്നാണ് മോഷണം നടത്തിയത്.
വീട്ടുപരിസരം വൃത്തിയാക്കുകയായിരുന്ന യുവതി മോഷ്ടാവിനെ കണ്ടതോടെ ബഹളം വയ്ക്കുകയായിരുന്നു. ഇവരുടെ കൈയിലുണ്ടായിരുന്ന കത്തി പിടിച്ചുവാങ്ങിയാണ് വെട്ടിയത്. യുവതിയെ സ്വകാര്യ ആശുപത്രിയില്‍ പ്രവേശിപ്പിച്ചു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Mapappuram News