ചിറയ്ക്കലില്‍ സിപിഎം-ബിജെപി സംഘര്‍ഷം, അഞ്ചു പേര്‍ക്കു പരിക്ക്

കണ്ണൂര്‍: ചിറയ്ക്കലില്‍ സിപിഎം-ബിജെപി സംഘര്‍ഷത്തില്‍ അഞ്ചുപേര്‍ക്കു പരിക്കേറ്റു. കടലായിയില്‍ സിപിഎം ഓഫീസ് ആക്രമിച്ചു. ഞായറാഴ്ച വൈകുന്നേരം നാലോടെ ചിറയ്ക്കല്‍ രാജാസ് ഹൈസ്‌കൂളിനു സമീപത്തായിരുന്നു സംഘര്‍ഷം. ബിജെപി പ്രവര്‍ത്തകരായ ചിറയ്ക്കല്‍ ചന്ദ്രകാന്തത്തില്‍ കെ. രോഷ് (36), ചിറയ്ക്കല്‍ മാധവി ഹൗസില്‍ സച്ചിന്‍ (26), ചിറയ്ക്കല്‍ ശ്രേയസില്‍ ശ്രേയസ് (24), സിപിഎം പ്രവര്‍ത്തകരായ ചിറയ്ക്കലിലെ അഖില്‍ ലോഹിതാക്ഷന്‍ (18), പുതിയതെരുവിലെ രതീഷ് (25) എന്നിവര്‍ക്കാണു പരിക്കേറ്റത്.
ബിജെപി പ്രവര്‍ത്തകരെ ജില്ലാ ആശുപത്രിയിലും സിപിഎം പ്രവര്‍ത്തകരെ എകെജി ആശുപത്രിയിലും പ്രവേശിപ്പിച്ചു. ഡിവൈഎസ്പി പി. സുകുമാരന്‍, വളപട്ടണം സിഐ കെ. ബാലകൃഷ്ണന്‍ നായര്‍ എന്നിവരുടെ നേതൃത്വത്തില്‍ പോലീസ് സ്ഥലത്തെത്തി. കൂടുതല്‍ പോലീസിനെ സ്ഥലത്തു വിന്യസിച്ചിട്ടുണ്­ട്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Mapappuram News