കാഞ്ഞങ്ങാട് : ചീമേനിയില്‍ ദ്രവീകൃത പ്രകൃതിവാതക പദ്ധതി നടപ്പിലാക്കുമെന്ന് മന്ത്രി ആര്യാടന്‍ മുഹമ്മദ് പറഞ്ഞു. മാവുങ്കാല്‍ ഇലക്ട്രിക്കല്‍ സെക്ഷന്റെ പുതിയ ഒാഫിസ് കെട്ടിടം ഉദ്ഘാടനം ചെയ്യുകയായിരുന്നു അദ്ദേഹം. ഇതിനു പൈപ്പുലൈന്‍ വലിക്കേണ്ടി വരുമെന്നും ജനങ്ങള്‍ സഹകരിച്ചാല്‍ മാത്രമേ പദ്ധതികള്‍ പ്രാവര്‍ത്തികമാക്കാന്‍ കഴിയുകയുള്ളുവെന്നും അദ്ദേഹം പറഞ്ഞു. രണ്ടു മൂന്നു വര്‍ഷത്തിനകം വൈദ്യുതി ബോര്‍ഡിനെ മികച്ച നിലയിലാക്കാന്‍ കഴിയുമെന്നാണ് പ്രതീക്ഷ. ഇപ്പോള്‍ 63.8 ദശലക്ഷം യൂണിറ്റാണ് സംസ്ഥാനത്തിന്റെ പ്രതിദിന ഉപഭോഗം.
13 ദശലക്ഷം യൂണിറ്റാണ് ഉല്‍പാദനം. 25 ദശലക്ഷം കേന്ദ്രം തരുന്നതാണ്. ബാക്കി വേണ്ടത് യൂണിറ്റൊന്നിന് 12.40 രൂപ നിരക്കില്‍ വാങ്ങുകയാണ്. 700 കോടി രൂപ വരവും 770 കോടി രൂപ ചെലവുമെന്നതാണ് സഥിതി. ഇതര സംസ്ഥാനങ്ങളെ അപേക്ഷിച്ചു നമ്മുടെ സ്ഥിതി മെച്ചമാണെങ്കിലും ഇതു നമ്മുടെ കഴിവു കൊണ്ടല്ല. മഴ കനിഞ്ഞില്ലെങ്കില്‍ രക്ഷയില്ലാത്ത അവസ്ഥയാണ്. വൈദ്യുതി ഉല്‍പാദനത്തെ പോലെ സംരക്ഷണവും പ്രധാനമാണെന്ന് ആര്യാടന്‍ മുഹമ്മദ് പറഞ്ഞു.
പി. കരുണാകരന്‍ എംപി സമ്മേളനം ഉദ്ഘാടനം ചെയ്തു. ഇ. ചന്ദ്രശേഖരന്‍ എംഎല്‍എ അധ്യക്ഷത വഹിച്ചു. ജില്ലാ പഞ്ചായത്ത് പ്രസിഡന്റ് പി.പി. ശ്യാമളാദേവി, കാഞ്ഞങ്ങാട് ബ്ളോക്ക് പഞ്ചായത്ത് പ്രസിഡന്റ് എ. കൃഷ്ണന്‍, പഞ്ചായത്ത് പ്രസിഡന്റുമാരായ സി.കെ. അരവിന്ദാക്ഷന്‍
(പുല്ലൂര്‍ പെരിയ), പി.പി. നസീമ (അജാനൂര്‍), എസ്. പ്രീത (മടിക്കൈ), പഞ്ചായത്ത് അംഗം ചഞ്ചലാക്ഷി, രാഷ്ട്രീയ പാര്‍ട്ടി പ്രതിനിധികളായ സി.കെ. ശ്രീധരന്‍, ടി.കെ. സുധാകരന്‍, കെ.പി. സതീഷ്ചന്ദ്രന്‍, പി. മുഹമ്മദ്കുഞ്ഞി, മടിക്കൈ കമ്മാരന്‍, എ. ദാമോദരന്‍, എ. കുഞ്ഞിരാമന്‍ നായര്‍, വിതരണ വിഭാഗം ചീഫ് എന്‍ജിനീയര്‍ എം.എ. അബ്ദുള്‍ ഖാദര്‍, ഡെപ്യൂട്ടി ചീഫ് എന്‍ജിനീയര്‍ ജി.ആര്‍. വിജയകുമാര്‍, എക്സിക്യൂട്ടീവ് എന്‍ജിനീയര്‍ പി. സുരേന്ദ്ര എന്നിവര്‍ പ്രസംഗിച്ചു.
Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Mapappuram News
No comments:
Post a Comment