10 ദിവസമായി കുടിവെള്ളമില്ല : നാട്ടുകാര്‍ എക്‌സി എഞ്ചിനീയറെ ഘൊരാവോ ചെയ്തു

വിദ്യാനഗര്‍ : കുടിവെള്ളം ലഭിക്കാതെ പൊറുതിമുട്ടിയ ജനം വാട്ടര്‍ അതോറിറ്റി എക്‌സിക്യൂട്ടീവ് എഞ്ചിനീയറെ ഘൊരാവോ ചെയ്തു. ഇന്നു രാവിലെയാണ് മുന്നറിയിപ്പില്ലാതെ കാസര്‍കോട് നഗരസഭയിലെ 21,22 വാര്‍ഡുകളില്‍പ്െട്ട് ഹാഷിം സ്ട്രീറ്റ്, ഹൊന്നമൂല, കൊറക്കോട് തുടങ്ങിയ പ്രദേശത്തെ ജനങ്ങള്‍ വാട്ടര്‍ അതോറിറ്റി ഓഫീസിലെത്തി എക്‌സിക്യൂട്ടീവ് എഞ്ചിനീയര്‍ പി വി സുരേഷ് കുമാറിനെ തടഞ്ഞുവെച്ചത്. രണ്ടാഴ്ചയോളമായി ഈ പ്രദേശത്തെ ജനങ്ങള്‍ കുടിവെള്ളം ലഭിക്കാതെ പൊറുതിമുട്ടുകയാണ്. ഇക്കാര്യം അധികൃതരുടെ ശ്രദ്ധയില്‍പ്പെടുത്തിയിട്ടും യാതൊരു നടപടിയും സ്വീകരിക്കാത്തതില്‍ പ്രതിഷേധിച്ചാണ് കൗണ്‍സിലര്‍ നൈമുന്നിസയുടെ നേതൃത്വത്തില്‍ ജനങ്ങള്‍ പ്രക്ഷോഭത്തിനിറങ്ങിയത്.