പൊലീസ് ജീപ്പില്‍ നിന്ന് വീണ് പരിക്കേറ്റ വിദ്യാര്‍ഥി മരിച്ചു

ആലപ്പുഴ: പൊലീസ് ജീപ്പില്‍ നിന്ന് വീണ് ഗുരുതരമായി പരിക്കേറ്റ് ചികിത്സയിലായിരുന്ന കോളജ് വിദ്യാര്‍ഥി മരിച്ചു. ആലപ്പുഴ സനാതനപുരം അഭിലാഷ് ഭവനില്‍ നെടുമുടി അശോക് കുമാറിന്റെ മകന്‍ അഖിലേഷ് (20) ആണ് മരിച്ചത്. എടത്വ സെന്റ് അലോഷ്യസ് കോളജില്‍ ഡിഗ്രി വിദ്യാര്‍ഥിയാണ്.

കഴിഞ്ഞ 16നാണ് അഖിലേഷിനെ മദ്യപിച്ചെന്നാരോപിച്ച് പുന്നപ്ര എസ്.ഐ ജീപ്പില്‍ കയറ്റിക്കൊണ്ടുപോയത്. താന്‍ മദ്യപിച്ചിട്ടില്ലെന്നും സുഹൃത്തുക്കളോടൊപ്പം ബൈക്കില്‍ എത്തിയതാണെന്നും പറഞ്ഞെങ്കിലും എസ്.ഐ ബലം പ്രയോഗിച്ച് ജീപ്പില്‍ കയറ്റി. ഇതില്‍ ഭയന്നുപോയ അഖിലേഷ് ജീപ്പില്‍ നിന്ന് പുറത്തേക്ക് ചാടുകയായിരുന്നു. തലക്ക് ഗുരുതരമായി പരിക്കേറ്റ അഖിലേഷ് എറണാകുളം അമൃത ആശുപത്രിയില്‍ ചികിത്സയിലിരിക്കെയാണ് മരിച്ചത്.
സംഭവവുമായി ബന്ധപ്പെട്ട് പുന്നപ്ര എസ്.ഐയെ സസ്‌പെന്‍ഡ് ചെയ്തിട്ടുണ്ട്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Mapappuram News