മലയാളി വിദ്യാര്‍ത്ഥി ഉഡുപ്പി മല്‍പെ ബീച്ചില്‍ മുങ്ങിമരിച്ചു

മംഗലാപുരം: കൊച്ചി സ്വദേശിയായ കമ്പ്യൂട്ടര്‍ സയന്‍സ് വിദ്യാര്‍ഥി ഉഡുപ്പിക്കടുത്ത് മല്‍പെ ബീച്ചില്‍ മുങ്ങിമരിച്ചു. ഞായറാഴ്ച രാവിലെയാണ് സംഭവം. കൊച്ചി മാമംഗലം പൊറ്റക്കുഴി റോഡില്‍ ചേതന ജങ്ഷനില്‍ കൂട്ടുങ്ങല്‍ വീട്ടില്‍ കനറാ ബാങ്ക് ഉദ്യോഗസ്ഥന്‍ കെ.എ.ജയരാജന്റെയും പ്രസ് അക്കാദമി മുന്‍ സെക്രട്ടറി വി.ജി.രേണുകയുടെയും ഏകമകന്‍ കിട്ടു ജയരാജനാ(25)ണ് മരിച്ചത്. വെള്ളത്തിലിറങ്ങി കുറച്ചുകഴിഞ്ഞപ്പോള്‍ കിട്ടു മുങ്ങിത്താഴാന്‍ തുടങ്ങി. കൂട്ടുകാര്‍ക്ക് രക്ഷിക്കാനായില്ല.
മണിപ്പാല്‍ ഇന്‍സ്റ്റിറ്റിയൂട്ട് ഓഫ് കമ്പ്യൂട്ടര്‍ സ്റ്റഡീസില്‍ അവസാന വര്‍ഷ എംഎസ് കമ്യൂണിക്കേഷന്‍ വിദ്യാര്‍ഥിയാണ് കിട്ടു.
ഉഡുപ്പി മാല്‍പ്പേ ബീച്ചില്‍ കൂട്ടുകാര്‍ക്കൊപ്പം അവധിദിനം ആഘോഷിക്കാനെത്തിയപ്പോഴായിരുന്നു ദുരന്തം.
സഹോദരി: നീലാഞ്ജന (എം.ടെക് വിദ്യാര്‍ഥിനി, കോതമംഗലം മാര്‍ അത്തനേഷ്യസ് എന്‍ജിനീയറിങ് കോളേജ്).

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Mapappuram News