സിപിഎം നേതാക്കള്‍ക്കെതിരെ ജാമ്യമില്ലാ വകുപ്പു പ്രകാരം കേസ്

കണ്ണൂര്‍: എം.വി. ജയരാജന്‍, കെ.കെ. രാഗേഷ് തുടങ്ങിയ സിപിഎം നേതാക്കളും പ്രവര്‍ത്തകരുമടക്കം നാല്‍പതു പേര്‍ക്കെതിരേ ചക്കരക്കല്‍ പോലീസ് ജാമ്യമില്ലാ വകുപ്പു പ്രകാരം കെസെടുത്തു. കഴിഞ്ഞ ദിവസം സ്‌റ്റേഷന്‍ ഉപരോധിച്ച് പോലീസിന്റെ കൃത്യനിര്‍വഹണം തടസപ്പെടുത്തിയെതിനു സെക്ഷന്‍ 353 പ്രകാരമാണ് കേസെടുത്തിരിക്കുന്നത്. ഈ കേസില്‍ അറസ്റ്റിലായാല്‍ കോടതിയില്‍ നിന്നു മാത്രമേ ഇവര്‍ക്കു ജാമ്യം ലഭിക്കുകയുള്ളൂ. കഴിഞ്ഞ തിങ്കളാഴ്ചയാണ് സിപിഎം ഏരിയാകമ്മിറ്റിയുടെ നേതൃത്വത്തില്‍ പോലീസ് സ്‌റ്റേഷന്‍ ഉപരോധിച്ചത്. ഉപരോധം മണിക്കൂറുകളോളം നീണ്ടിരുന്നു. കണ്ണൂരില്‍ നടക്കുന്ന സിഐടിയു ദേശീയ സമ്മേളനത്തിന്റെ പ്രചാരണബോര്‍ഡുകളും സിപിഎം കൊടിമരങ്ങളും ഒരു പ്രകോപനവുമില്ലാതെ ചക്കരക്കല്‍ പോലീസ് കൊണ്ടുപോയെന്നാരോപിച്ചായിരുന്നു സമരം. ഒടുവില്‍ പിരിഞ്ഞുപോകുമ്പോള്‍ പോലീസ് പിടിച്ചെടുത്ത കൊടിമരങ്ങളും ബോര്‍ഡുകളും പോലീസ് കോമ്പൗണ്ടില്‍ നിന്ന് നേതാക്കളുടെ നേതൃത്വത്തില്‍ എടുത്തുകൊണ്ടുപോവുകയും ചക്കരക്കല്‍ ടൗണില്‍ പ്രകടനം നടത്തുകയും ചെയ്തിരു­ന്നു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Mapappuram News