കാമുകനോടൊപ്പം ഒളിച്ചോടിയ യുവതി ഒരു വര്‍ഷത്തിന് ശേഷം കോടതിയില്‍ ഹാജരായി

കാഞ്ഞങ്ങാട്: ഒരു വര്‍ഷം മുമ്പ് ഭര്‍തൃ വീട്ടില്‍ നിന്ന് കാമുകനോടൊപ്പം ഒളിച്ചോടിയ യുവതി ബുധനാഴ്ച കോടതിയില്‍ ഹാജരായി. കൊന്നക്കാട് മൈക്കയം സ്വദേശിനിയും മൂന്ന് കുട്ടികളുടെ മാതാവുമായ 35 കാരിയാണ് കാമുകനോടൊപ്പം ഇന്നലെ കോടതിയില്‍ ഹാജരായത്. ഒരു വര്‍ഷം മുമ്പ് ഭര്‍തൃ വീടായ പെരിയങ്ങാനത്ത് വെച്ച് കാമുകനായ ഷിജുവനോടൊപ്പമാണ് യുവതി ഒളിച്ചോടിയത്. ഭര്‍ത്താവിന്റെ കടയില്‍ യുവതി സഹായത്തിനായി നില്‍ക്കുന്ന സമയത്ത് ഷിജുവുമായി പരിചയപ്പെടുകയും പിന്നീട് അടുപ്പത്തിലാവുകയുമായിരുന്നു. തുടര്‍ന്ന് മൂന്ന് മക്കളെയും ഭര്‍ത്താവിനെയും ഉപേക്ഷിച്ച് യുവതി കാമുകനായ ഷിജുവിനോടൊപ്പം പോകുകയായിരുന്നു. ഇതേ തുടര്‍ന്ന് ഭര്‍ത്താവ് നീലേശ്വരം പോലീസില്‍ പരാതി നല്‍കുകയും ചെയ്തിരുന്നു. തുടര്‍ന്ന് പോലീസ് അന്വേഷണം നടത്തിയെങ്കിലും ഇവരെ കുറിച്ച് വിവരമൊന്നും ലഭിച്ചിരുന്നില്ല. ഇതിനിടയിലാണ് യുവതി ഒരു വര്‍ഷത്തിന് ശേഷം ബുധനാഴ്ച കോടതിയില്‍ ഹാജരായി കാമുകനോടൊപ്പം മടങ്ങിപ്പോയത്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News