ഡ്യൂട്ടിയ്ക്കിടെ പോലീസുകാരന്‍ ലോറിയിടിച്ചു മരിച്ചു

മംഗലാപുരം: വാഹനപരിശോധനയ്ക്കിടെ പോലീസുകാരന്‍ ലോറിയിടിച്ചു മരിച്ചു.വെളളിയാഴ്ച പുലര്‍ച്ചെ മൂന്നിന് മംഗലാപുരം നഗരത്തിനടുത്ത മുല്‍ക്കിയിലാണു സംഭവം. ദാവന്‍ഗെരെ ജില്ലയിലെ ഹൊന്നാലി സ്വദേശിയും മുല്‍ക്കി തീരദേശപോലീസ് സ്റ്റേഷനിലെ കോണ്‍സ്റ്റബിളുമായ ശിവരാജപ്പ(29)യാണ് മരിച്ചത്. ദേശീയപാത 66ല്‍ ബപ്പനാടു ചെക്ക്‌പോസ്റ്റില്‍ വാഹനപരിശോധന നടത്തവെ അമിതവേഗത്തില്‍ വന്ന ലോറി ശിവരാജപ്പയെ ഇടിച്ചുവീഴ്ത്തിയശേഷം കടന്നുകളയുകയായിരുന്നു. ശിവരാജപ്പ മംഗലാപുരം ഭാഗത്തേക്കുള്ള വാഹനങ്ങളും കൂടെയുള്ള മറ്റു രണ്ടു പോലീസുകാര്‍ ഉഡുപ്പി ഭാഗത്തേക്കുമുള്ള വാഹനങ്ങള്‍ പരിശോധിക്കവെയായിരുന്നു സംഭവം. ഇടിച്ചു വീഴ്ത്തിയ ലോറി അമിത വേഗത്തിലായിരുന്നതിനാല്‍ രജിസ്‌ട്രേഷന്‍ നമ്പര്‍ മറ്റു പോലീസുകാരുടെ ശ്രദ്ധയില്‍പ്പെട്ടില്ല. ലോറിയിടിച്ചു നിലത്തുവീണ ശിവരാജപ്പ തത്ക്ഷണം മരിച്ചു. കഴിഞ്ഞ വര്‍ഷമാണ് ശിവരാജപ്പ വിവാഹിതനായത്. ഭാര്യ മഞ്ജുള ഏഴുമാസം ഗര്‍ഭിണിയാണ്. മൃതദേഹം പോസ്റ്റുമോര്‍ട്ടത്തിനുശേഷം മംഗലാപുരം സിറ്റി പോലീസ് ആസ്ഥാനത്ത് പൊതുദര്‍ശനത്തിനുവച്ചു. തുടര്‍ന്ന് സ്വദേശമായ ഹൊന്നാലിയിലേക്ക് കൊണ്ടുപോ­യി.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Mapappuram News