സച്ചിന് ആദരമായി മെഴുക് പ്രതിമ

സിഡ്നി: ക്രിക്കറ്റ് താരം സച്ചിന്‍ ടെന്‍ഡുല്‍ക്കര്‍ക്ക് ആദരമായി സിഡ്നിയില്‍ മെഴുക് പ്രതിമ. സിഡ്നിയിലെ പ്രശസ്ത ക്രിക്കറ്റ് സ്റ്റേഡിയത്തിലാണു മൊഴുകു പ്രതിമ അനാവരണം ചെയ്തത്. പ്രതിമ സിഡ്നിയിലെ മാഡം തുസാഡ്സ് മെഴുക് മ്യൂസിയത്തിലേക്കു മാറ്റും. മ്യൂസിയത്തില്‍ ക്രിക്കറ്റ് ഇതിഹാസം സര്‍. ഡൊണാള്‍ഡ് ബ്രാഡ്മാനിന്‍റെയും സ്പിന്‍ ബൗളര്‍ ഷെയ് ന്‍ വോണിന്‍റെയും പ്രതിമകള്‍ക്കൊപ്പമായിരിക്കും സച്ചിന്‍റെ മെഴുകു പ്രതിമയുടെ സ്ഥാനം.

ഏപ്രില്‍ 24നു 40-ാം ജന്മദിനം ആഘോഷിക്കാനിരിക്കെയാണു സച്ചിനെ ആദരിച്ചത്. സച്ചിന്‍റെ പ്രിയപ്പെട്ട ഗ്രൗണ്ടുകളില്‍ ഒന്നാണ് ഓസ്ട്രേലിയയിലെ സിഡ്നി. ഈ ഗ്രൗണ്ടില്‍ നടന്ന മത്സരങ്ങളില്‍ മൂന്നു സെഞ്ചുറികള്‍ സച്ചിന്‍ നേടിയിട്ടുണ്ട്. ഇതില്‍ 2004ല്‍ നേടിയ സെഞ്ചുറി (241 റണ്‍സ്) പുറത്താകാതെയുള്ളതാണ്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News