ചെന്നിത്തല നെല്ലിക്കാട്ടെത്തി; അനുഗ്രഹം ചൊരിഞ്ഞ് മാധവേട്ടന്‍

കാഞ്ഞങ്ങാട്: കേരളയാത്രയുടെ തിരക്കിനിടയില്‍ കെ.പി.സി.സി. പ്രസിഡന്റ് രമേശ് ചെന്നിത്തല സ്വാതന്ത്ര്യസമരസേനാനി കെ.മാധവനെ കാണാന്‍ നെല്ലിക്കാട്ടെ വസതിയിലെത്തി. സമൃദ്ധ കേരളത്തിനായി യാത്രനടത്തുകയാണെന്ന് പറഞ്ഞപ്പോള്‍, നല്ല കാര്യമല്ലേ എന്നുപറഞ്ഞ് കെ.മാധവന്‍ ചെന്നിത്തലയെ അനുഗ്രഹിച്ചു. ചെന്നിത്തല അദ്ദേഹത്തെ ഷാള്‍ അണിയിക്കുകയും ചെയ്തു. ഗുരുവായൂര്‍ സത്യാഗ്രഹത്തിലും ഉപ്പ് സത്യാഗ്രഹത്തിലും പങ്കെടുത്തവരില്‍ ജീവിച്ചിരിക്കുന്ന ഏക സ്വാതന്ത്ര്യസരമ സേനാനിയെന്ന് പറഞ്ഞ് ഡി.സി.സി.പ്രസിഡന്റ് അഡ്വ. സി.കെ.ശ്രീധരന്‍ സംസാരം പഴയ കാര്യങ്ങളിലേക്കെത്തിച്ചു. മാധവേട്ടന്റെ ആത്മകഥ 'ഗാന്ധിയന്‍ കമ്യൂണിസ്റ്റ്' മുഴുവന്‍ വായിച്ചുവെന്ന് ചെന്നിത്തല പറഞ്ഞു. കയ്യൂരിലും മടിക്കൈയിലുമൊക്ക കര്‍ഷകരെയും കര്‍ഷകത്തൊഴിലാളികളെയും കൈകോര്‍പ്പിച്ച മാധവേട്ടന് പിന്നീട് അവിടങ്ങളില്‍ ഉണ്ടായ അനുഭവം പുസ്തക വായനയ്ക്കിടെ ഏറെ സങ്കടമുണ്ടാക്കിയതായി ചെന്നിത്തല പറഞ്ഞു. കോണ്‍ഗ്രസ് നേതാവ് പി.രാമകൃഷ്ണനും ചെന്നിത്തലയ്‌ക്കൊപ്പമുണ്ടായിരുന്നു.

Keywords: K. Madavan, Keralayatha, Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News