ഡോ. എ.മുരളീധരന്‍ നെഹ്രു കോളേജ് പ്രിന്‍സിപ്പല്‍

നീലേശ്വരം: പടന്നക്കാട് നെഹ്രു കോളേജ് പ്രിന്‍സിപ്പലായി ഡോ. എ.മുരളീധരന്‍ ചുമതലയേറ്റു. നീലേശ്വരം പള്ളിക്കര സ്വദേശിയാണ്. പ്രിന്‍സിപ്പലായിരുന്ന ഡോ. ഖാദര്‍ മാങ്ങാട് കണ്ണൂര്‍ സര്‍വകലാശാലാ വൈസ് ചാന്‍സലറായി ചുമതലയേറ്റതിനെത്തുടര്‍ന്നാണ് പുതിയ പ്രിന്‍സിപ്പലായി ഡോ. മുരളീധരന്‍ നിയമിതനായത്. മംഗലാപുരം സര്‍വകലാശാലയില്‍നിന്നാണ് എം.ഫില്‍, പിഎച്ച്.ഡി. ബിരുദങ്ങള്‍ നേടിയത്. കോളേജിലെ രസതന്ത്ര വിഭാഗം മേധാവി, കണ്ണൂര്‍ സര്‍വകലാശാല റിസര്‍ച്ച് ഗൈഡ്, പി.ജി. ബോര്‍ഡ് ഓഫ് സ്റ്റഡീസ് അംഗം, എന്‍.സി.സി., എന്‍.എസ്.എസ്. പ്രോഗ്രാം ഓഫീസര്‍, നാക് കോ ഓര്‍ഡിനേറ്റര്‍ എന്നീ നിലകളില്‍ പ്രവര്‍ത്തിച്ചിട്ടുണ്ട്. 16 അന്തര്‍ദേശീയ ഗവേഷണ ജേര്‍ണലുകളില്‍ പ്രസിദ്ധീകരണവും 3 മേജര്‍ ഗവേഷണ പദ്ധതികള്‍ പൂര്‍ത്തീകരിക്കുകയും ചെയ്തിട്ടുണ്ട്. 1997ല്‍ ജില്ലാ ടെന്നിസ് ചാമ്പ്യനായിരുന്നു. സീനിയര്‍ ചേംബര്‍ ദേശീയ പ്രസിഡന്റ്, ഇന്ത്യന്‍ ജേസീസ് സോണ്‍ കൗണ്‍സിലര്‍, നീലേശ്വരം റോട്ടറി, ജേസീസ് പ്രസിഡന്റുമായിരുന്നു. കാഞ്ഞങ്ങാട് ദുര്‍ഗ എച്ച്.എസ്.എസ്. സുവോളജി അധ്യാപിക എസ്.ബിന്ദുവാണ് ഭാര്യ. സോഫ്റ്റ്‌വെയര്‍ എന്‍ജിനിയറായ ആതിര, വിദ്യാര്‍ഥിനി അമൃതപ്രിയ എന്നിവര്‍ മക്കളാണ്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News