ലോകത്തുണ്ടായ മാറ്റങ്ങളിലെല്ലാം വിദ്യാഭ്യാസത്തിന് പ്രധാന പങ്കുണ്ട്. പട്ടികജാതി വിഭാഗത്തിന്റെ ഉന്നമനത്തിന് പല പദ്ധതികളും സര്‍ക്കാര്‍ നടപ്പിലാക്കുന്നുണ്ടെങ്കിലും വിദ്യാഭ്യാ പുരോഗതിക്കാണ് ഏറെ പ്രാമുഖ്യം നല്‍കുന്നത്. വിദ്യാഭ്യാസ രംഗത്ത് സംവരണവും ആനുകൂല്യങ്ങളും നല്‍കാന്‍ മുന്നോട്ട് വന്നത് സമൂഹത്തിന്റെ നില മെച്ചപ്പെടാന്‍ സഹായിച്ചിട്ടുണ്ട്.
ഹോസ്റ്റല്‍ വിദ്യാര്‍ത്ഥികളുടെ പ്രതിമാസ ഭക്ഷണ ചെലവ് 1500 രൂപയില്‍ നിന്നും 2000 രൂപയായി ഉടനെ വര്‍ധിപ്പിക്കുമെന്നും സ്റ്റൈപ്പന്റ് ലംപ്‌സം ഗ്രാന്റ് നിരക്കുകള്‍ ഇനിയും വര്‍ധിപ്പിക്കുമെന്നും മന്ത്രി പറഞ്ഞു. ഈ സര്‍ക്കാര്‍ അധികാരത്തില്‍ വന്ന ശേഷം സ്റ്റൈപ്പന്റ് ലംപ്‌സം ഗ്രാന്റ് നിരക്കുകള്‍ 100 ശതമാനത്തിലേറെ വര്‍ധിപ്പിച്ചിട്ടുണ്ട്. ഹയര്‍ സെക്കന്റി തലത്തില്‍ പഠിക്കുന്ന മിടുക്കരായ വിദ്യാര്‍ത്ഥികള്‍ക്ക് എന്‍ട്രന്‍സ് കോച്ചിംഗിന് ധനസാഹയം നല്‍കുന്നു.
കേരള കണ്‍സ്ട്രക്ഷന്‍ കോര്‍പ്പറേഷന്‍ മുഖേന നിര്‍മിച്ച ഹോസ്റ്റലില്‍ 60 വിദ്യാര്‍ത്ഥികള്‍ക്ക് താമസിച്ചു പഠിക്കുന്നതിന് ഉന്നത നിലയിലുള്ള സൗകര്യങ്ങളാണ് ഒരുക്കിയിരിക്കുന്നത്. 18 മാസം കൊണ്ട് പൂര്‍ത്തിയാക്കാന്‍ തീരുമാനിച്ച കെട്ടിടം സമയത്തിനു മുമ്പ് തന്നെ പൂര്‍ത്തിയാക്കാന്‍ സാധിച്ചതായും മന്തി പറഞ്ഞു.
പി.ബി.അബ്ദുള്‍റസാഖ് എം.എല്‍.എ. അദ്ധ്യക്ഷത വഹിച്ചു. മഞ്ചേശ്വരം ഗ്രാമ പഞ്ചായത്ത് പ്രസിഡണ്ട് മുസ്രത്ത് ജഹാന്‍, , ജില്ലാ പഞ്ചായത്ത് ക്ഷേമകാര്യ സ്റ്റാന്റിംഗ് കമ്മിറ്റി ചെയര്‍പേഴ്‌സന്‍ മമത ദിവാകര്‍, ജില്ലാ പഞ്ചായത്തംഗം എ.കെ.എം അശ്‌റഫ്, ബ്ലോക്ക് മെമ്പര്‍ സുഹ്‌റ, എം.എസ് ശങ്കര, വാര്‍ഡ് മെമ്പര്‍ യാദവ ബഡാജെ, സംസ്ഥാന പട്ടികജാതി ഉപദേശക സമിതി അംഗം പി രാമചന്ദ്രന്‍, ജി.പി.എം ഗവ: കോളേജ് പിന്‍സിപ്പാള്‍ ഡോ. കെ. അജിതാദേവി, എ.എ കയ്യംകൂടല്‍, ബി.വി രാജന്‍, ശരത് ചന്ദ്രന്‍ തുടങ്ങിയവര്‍ പ്രസംഗിച്ചു. കേരള സ്റ്റേറ്റ് കണ്‍സ്ട്രക്ഷന്‍ കോര്‍പ്പറേഷന്‍ റിജ്യനല്‍ മാനേജര്‍ സി.എം പ്രമോദ് റിപ്പോര്‍ട്ട് അവതരിപ്പിച്ചു. . ജില്ലാ പട്ടികജാതി വികസന ആഫീസര്‍ കെ.കെ കിഷോര്‍ സ്വാഗതവും ചീഫ് പബ്ലിസിറ്റി ഓഫീസര്‍ കെ.രഘു നന്ദിയും പറഞ്ഞു.
Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News
No comments:
Post a Comment