റഹ്മാന്‍ വീണ്ടും നായകവേഷത്തിലെത്തുന്ന മുസാഫിര്‍ തീയറ്ററുകളില്‍

ഹുമയൂണ്‍ എന്ന കഥാപാത്രമായി റഹ്മാന്റെ ആക്ഷന്‍ ത്രില്ലര്‍ ചിത്രമായ മുസാഫിര്‍ ഒടുവില്‍ തിയേറ്ററിലെത്തി. മുസാഫിര്‍ എന്ന വാക്കിനര്‍ത്ഥം യാത്രക്കാരന്‍ എന്നാണ്. മംമത് മോഹന്‍ദാസ്, ബാല, ദിവ്യ ഉണ്ണി എന്നിവരും ചിത്രത്തിലുണ്ട്. ലക്ഷ്മി ഗോപാലസ്വാമി സ്വന്തം പേരിലെത്തുന്ന ചിത്രത്തില്‍ കൊച്ചിന്‍ ഹനീഫയുടെ കഥാപാത്രവുമുണ്ട്. ജികെ എന്ന പണക്കാരനായാണ് കൊച്ചിന്‍ ഹനീഫ സിനിമയിലെത്തുന്നത്. ചിത്രത്തിന്റെ ഷൂട്ടിങ് പൂര്‍ത്തിയായിട്ട് ഏറെ നാളായെന്നതിന്റെ ഏറ്റവും വലിയ തെളിവാണിത്. പ്രമോദ് പപ്പന്‍ സംവിധാനം ചെയ്ത ചിത്രത്തിന്റെ ഷൂട്ടിങ് സൈപ്രസ്, ദുബായ്, ലണ്ടന്‍ എന്നിവിടങ്ങളിലാണ് പുരോഗമിച്ചത്. ആക്ഷനൊപ്പം സംഗീതത്തിനും ഏറെ പ്രാധാന്യം നല്‍കിയ ചിത്രമാണിത്. ബ്ലാക്ക് എന്ന മമ്മൂട്ടി ചിത്രത്തിലൂടെ മലയാള സിനിമയില്‍ രണ്ടാമൂഴത്തിനെത്തിയ റഹ്മാന്‍ നിരവധി സിനിമകളില്‍ സഹനടന്റെ റോളില്‍ തിളങ്ങിയെങ്കിലും ഏറെ കാലത്തിനുശേഷമാണ് നായകവേഷത്തിലെത്തുന്നത്. സുനില്‍ഹംസയാണ് ചിത്രം നിര്‍മിക്കുന്നത്. ഔസേപ്പച്ചന്‍ , എംജി രാധാകൃഷ്ണന്‍, ഷഹ്ബാസ് അമന്‍ , ബാലഭാസ്‌കര്‍ എന്നിവരാണ് സംഗീത സംവിധായകര്‍ .

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News