ബൈക്കില്‍ മിനിലോറിയിടിച്ചു വിദ്യാര്‍ഥി മരിച്ചു

കൂത്തുപറമ്പ്: മെരുവമ്പായി പള്ളിയിറക്കം റോഡില്‍ മിനി ലോറിയും ബൈക്കും കൂട്ടിയിടിച്ചു വിദ്യാര്‍ഥി മരിച്ചു. മൂന്നാംപീടികയിലെ മദ്രസാ അധ്യപകന്‍ കരിയന്റെകീഴില്‍ ബൈത്തുല്‍നൂര്‍ വീട്ടില്‍ അബ്ദുള്‍ റഹ്മാന്‍ മുസ്‌ല്യാര്‍-സുഹറ ദമ്പതികളുടെ മകന്‍ സിദ്ധിഖ് (17) ആണ് മരിച്ചത്. 

വെളളിയാഴ്ച രാവിലെ 7.30ഓടെയായിരുന്നു അപകടം. വീട്ടില്‍നിന്നു സാധനങ്ങള്‍ വാങ്ങാന്‍ ബൈക്കില്‍ പോകവെ കൂത്തുപറമ്പ് ഭാഗത്തേക്കു ചെങ്കല്‍ കയറ്റി വരികയായിരുന്ന മിനിലോറിയുമായി കൂട്ടിയിടിക്കുകയായിരുന്നു. ഗുരുതരമായി പരിക്കേറ്റ സിദ്ധിഖിനെ കൂത്തുപറമ്പ് താലൂക്ക് ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. 

ഈ വര്‍ഷം കൂത്തുപറമ്പ് ഹൈസ്‌ക്കൂളില്‍ നിന്നു എസ്എസ്എല്‍സി പരീക്ഷ വിജയിച്ച് പ്ലസ്‌വണ്‍ പ്രവേശനത്തിനായി കാത്തിരിക്കുകയായിരുന്നു സിദ്ധിഖ്. 

സഹോദരങ്ങള്‍: സാദിഖ് (കുവൈറ്റ്), സാബിറ, സാലി (സൗദി), ബുഷറ, അബു (വിദ്യാര്‍ഥി), ആരിഫ.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News