സുമോയില്‍ കടത്തുകയായിരുന്ന കഞ്ചാവുമായി രണ്ടു പേര്‍ അറസ്റ്റില്‍

കാസര്‍കോട് : ടാറ്റാ സുമോയില്‍ കടത്തുകയായിരുന്ന കഞ്ചാവുമായി രണ്ടു യുവാക്കളെ വിദ്യാനഗര്‍ പോലീസ് അറസ്റ്റ് ചെയ്തു. കോട്ടയം പൊന്‍കുന്നം ആനപറമ്പിലെ നവാസ് (32), കാഞ്ഞങ്ങാട് ഭീമനടി കുന്നുങ്കൈയിലെ പി എച്ച് സലിം (32) എന്നിവരെയാണ് അറസ്റ്റ് ചെയ്തത്.

തിങ്കളാഴ്ച വൈകിട്ട് ഏഴരയോടെ തെക്കിലില്‍ വെച്ചാണ് അറസ്റ്റ്. രഹസ്യവിവരത്തെത്തുടര്‍ന്ന് കാസര്‍കോട് സി ഐ സി കെ സുനില്‍കുമാര്‍, വിദ്യാനഗര്‍ എസ് ഐ കെ ഉത്തംദാസ് എന്നിവരുടെ നേതൃത്വത്തിലുള്ള പോലീസ് സംഘം വാഹനപരിശോധന നടത്തുന്നതിനിടയില്‍ അതുവഴി എത്തിയ ടാറ്റാ സുമോയെ കൈകാണിച്ച് നിര്‍ത്തി പരിശോധിച്ചപ്പോഴാണ് സുമോയിലെ സീറ്റിനടിയില്‍ സൂക്ഷിച്ച കഞ്ചാവ് കണ്ടെത്തിയത്. 50 പാക്കറ്റുകളിലായിരുന്നു കഞ്ചാവ് സൂക്ഷിച്ചിരുന്നത്.
വാഹനവും പോലീസ് കസ്റ്റഡിയിലെടുത്തു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News